Саха сирин култуура дьиэлэригэр 30 мөлүйүөн солкуобай кэриҥин ыытыахтара

Комментарии Экономика и сельское хозяйство

Поделиться:

НВК САХА – Быйыл Саха сирин хас даҕаны улууһун култуура дьиэлэрэ 29 мөлүйүөн 130 тыһыынча солкуобайы ылыахтара.

Саха сирин судаарыстыбаннай бүддьүөтүттэн 2 мөлүйүөн 330 тыһыынча солкуобайдаах субсидия тыырыахтара, оттон федеральнай бүддьүөттэн көрүллэр харчыны кытта холбоон барыта 29 мөлүйүөн 130 тыһыынча солкуобайга тэҥнэһэр.

“50 тыһыынча киһиэхэ диэри олохтоох нэһилиэнньэлээх пууннарга култуура дьиэлэрин материальнай-техническэй туругун тупсарарга субсидия түҥэтиллиэ. Үбүлээһин барыта 28 култуура дьиэтигэр барыа”, – диэн СӨ баһылыгын уонна бырабыыталыстыбатын пресс-сулууспата иһитиннэрдэ.

Ол курдук өрөспүүбүлүкэ бүддьүөтүттэн Алданнааҕы култуура киинигэр, Аллайыаха улууһун Дьүкээгир национальнай нэһилиэгин “Айтун” киинигэр, Федот Потапов аатынан Амматааҕы култуура киинигэр, Үөһээ Бүлүү улууһун Боотулу киинигэр, Үөһээ Халыма улууһун “Надежда” киинигэр, Үөһээ Дьааҥы Боруулаах киинигэр, Бүлүү улууһун Чочу нэһилиэгин “Үрүҥ Уолан” култуура уонна спорт комплексатыгар, М.С. Егоров аатынан Бэрдьигэстээх киинигэр уонна Горнай улууһун Мыытаах нэһилиэгин киинигэр, Эдьигээн улууһун Кыстатыам нэһилиэгин “Нулгин” этнокультурнай киинигэр, Кэбээйи улууһун Кэбээйи сэлиэнньэтин “Сайдам” киинигэр, Мэҥэ Хаҥалас улууһун Майа сэлиэнньэтигэр Д. Ходулов аатынан норуот айымньытын дьиэтигэр, Нерюнгри оройуонун А. Шестаков аатынан норуот айымньытын Индигирдээҕи киинигэр, Чульман бөһүөлэгин “Юность” култуура дьиэтигэр, Ньурба улууһун Үөдэй сэлиэнньэтин “Айылгы” норуот айымньытын дьиэтигэр, Өймөкөөн улууһун Томтор сэлиэнньэтин култуура дьиэтигэр, Өлүөхүмэ улууһун Үҥкүр сэлиэнньэтин М. Габышев аатынан култуура киинигэр, Орто Халыма улууһун Хатыҥнаах нэһилиэгин “Алгыс” киинигэр, Сунтаар Күндээйэтигэр “Ил” киинигэр, Таатта улууһун Тыараһа нэһилиэгин “Алгыс” норуот айымньытын дьиэтигэр, Томпо улууһун Тополинай сэлиэнньэтигэр “Гарпана” киинигэр, Уус Алдан улууһун Бороҕоннооҕу киинигэр уонна Бэрт Уус нэһилиэк “Айылгы” киинигэр, Депутатскай бөһүөлэк култуура дьиэтигэр, Хаҥалас улууһун Төхтүр сэлиэнньэтин “Эркээни” култуура киинигэр, Чурапчы улууһун А. Бродников аатынан “Аартык” норуот айымньытын дьиэтигэр, Эбээн Бытантай улууһун Үөһээ Бытантай нэһилиэгин “Дюбун” этнокультурнай киинигэр харчы ыытыахтара.

Харчы “Төрөөбүт дойду култуурата” (“Культура малой Родины”) диэн федеральнай бырайыак иитинэн көрүллэр.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двенадцать − шесть =

ЛЕНТА НОВОСТЕЙ