Саха сирин кыра өрүстэрин туруутун туһунан бырабыыталыстыбаҕа мунньах буолла

Комментарии Общество и политика

Поделиться:

НВК САХА – Ыам ыйын 15 күнүгэр бырабыыталыстыба бэрэссэдээтэлин солбуйааччы Алексей Колодезников өрөспүүбүлүкэ кыра өрүстэригэр муус барыытын туһунан мунньах ыытта.

«Сааскы халаан уута этэҥҥэ ааһан эрэр. Өлүөнэ өрүскэ уу таһыма критическэйгэ тиийбэт», – диэтэ Колодезников.

Мунньахха тыа хаһаайыстыбатын миниистирэ Александр Атласов, Горнай улууһун баһылыгын солбуйааччы Алгыс Стручков, Үөһээ Халыма баһылыгын солбуйааччы Леонид Лысенко, Чурапчы улууһун баһылыгын э.т. Алексей Ноговицын, Таатта улууһун баһылыга Михаил Соров кытыннылар.

Уунан сылдьар суудуналарга кутталаах быһыыны-майгыны туоратыы туһунан ЫБММ сүрүн бырабылыанньатын салайааччытын солбуйааччы Николай Иванов кэпсээтэ. Кини этэринэн, араас быһылаан, эчэйии дьон ыксаан өрүс ситэ тура илик кэмигэр быраабыланы тутуспаттарыттан тахсар. Кини улуус баһылыктарыгар быстах кэмҥэ быыһыыр постары тэрийиҥ, эппиэтинэстээхтэри анааҥ диэтэ.

«Бу күннэргэ өрүс уута Хаҥалас, онтон Нам оройуоннарыгар чугаһыа. Бары өрүстэргэ баалһыанньаны хонтуруолга тутуохха, ыһыктынан кэбиһимиэххэ. Икки нэдиэлэнэн сайыҥҥы сынньалаҥ саҕаланыа. Дьон эппиэтинэһэ суох быһыыланарын умнумуохха», – диэн түмүктээтэ Алексей Колодезников.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × один =

ЛЕНТА НОВОСТЕЙ