Саха сирин монокуораттарыгар 1,3 млрд солкуобайтан тахса инвестицияны угуохтарын сөп

Комментарии Главные новости, Экономика и сельское хозяйство

Поделиться:

НВК САХА – Мииринэйгэ Арҕаа Саха сирин инвестиционнай пуорумугар бээтинсэҕэ 11 бырайыагы көрдөрдүлэр. Балары өрөспүүбүлүкэ биэс монокуоратттарыгар: Мииринэйгэ, Удачнайга, Айхалга, Нерюнгрига уонна Мохсоҕоллооххо үлэлэтиэхтэрин баҕараллар. Инвестиция уопсай суумата быһа холоон 1,3 миллиард солкуобайга тэҥнэһэр. Бу туһунан СӨ экология министиэристибэтэ иһитиннэрдэ.

Ол курдук бу бырайыактар быһа холоон 568 үлэ миэстэтин арыйыахтарын сөп.

Саха сирин урбаан сайдыытын пуондата түөрт бырайыагы кытта үлэлэһэргэ бэлэмин эттэ, олорго инвестиция суумата 5 мөлүйүөн солкуобайтан үрдээбэт. Ол курдук Удачнайга эти соҕотуопкалыыр сыах, Удачнайга кофейня-бэкээринэни арыйыы, Айхалга тэпилииссэ комплексатын тутуу, Айхалга уонна Удачнайга химчистка уонна прачечнай өҥөтүн оҥоруу курдук бырайыактары көрдүлэр.

“Якутия” диэн венчурнай хампаанньа Мииринэйгэ санитарнай-гигиеническэй оҥоһуктары, кумааҕы салфеткалары уонна “Эковата” дьиэни ититиини (утеплитель) оҥорон таһаарар бырайыагы көрөргө бэлэм.

“Регионнааҥы лизинг хампаанньата” (“Региональная лизинговая компания”) Нерюнгрига “Созвездие” диэн ыалдьыттары түһэрэр комплексаны, Мииринэйгэ санитарнай-гигиеническэй оҥоһуктары уонна “Эковата” дьиэни ититии (утеплитель) сыаҕын, Мохсоҕоллооххо резервуардары уонна хайа хостуур тэриллэрин оҥоруу бырайыактарын сирийэн көрөргө бэлэм. Химчистка уонна бэкээринэ бырайыактарынан бииргэ үлэлэһии номнуо ыытыллар.

Саха сирин биисинэс-инкубатора Мохсоҕоллооххо массыына шиналарын саҥаттан оҥоруу бырайыагын, Мииринэйгэ санитарнай-гигиеническэй оҥоһуктары уонна “Эковата” дьиэни ититии (утеплитель) сыаҕын “тупсаран биэриигэ” көмөлөһөргө этии киллэрдэ.

“Сбербанк” уонна “Алмазэргиэнбанк” хас биирдии кыттааччыга өйөбүл бырагырааматын биэрэргэ бэлэмнэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 + 18 =

ЛЕНТА НОВОСТЕЙ