Саха сирин олохтооҕо 300 тыһыынчаҕа мас эрбээбит диэн буруйданар

Комментарии Криминал и происшествие

Поделиться:

НВК САХА – Чурапчы улууһугар ИДьМ үлэһиттэрэ 102 тиит маһы сокуону кэһэн туран кэрдибиттэрин булбуттар. Бу туһунан СӨ ИДьМ пресс-сулууспата иһитиннэрдэ.

“Полиция үлэһиттэрэ кэрийэн көрдүлэр, онно Кураанах диэн сиргэ 102 тиит маһы кэрдибиттэр. Миэстэтигэр кэрдиллибит мастар тобохторо уонна техника суола бааллара”, – диэн иһитиннэриигэ этиллэр.

Маныаха Улахан Күөл 29 саастаах олохтоох урбаанньыта уорбаланар. Кини кэпсээбитинэн, учаастагар мас дьиэ туттарыгар тутуу матырыйаала наада буолбут.

Эр киһи көҥүл биэрэр докумуоннара суох маһы эрбээбит, онон Россия ойуурун пуондатыгар 300 тыһыынча кэриҥэ хоромньуну таһаарбыт.

Уорбаланааччыга холуобунай дьыала тэрилиннэ. Маныаха кини 1 мөлүйүөнтэн 3 мөлүйүөн солкуобайга тиийэ ыстарааптаныан сөп.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

14 − одиннадцать =

ЛЕНТА НОВОСТЕЙ