Саха сирин олохтоохторо Россия күнүн бэлиэтээтилэр

Комментарии Главные новости, Общество и политика

Поделиться:

НВК САХА – Бүгүн, бэс ыйын 12 күнүгэр, Дьокуускай куоракка “Мин дойдум – Россия” диэн дойду күнүн көрсөр бырааһынньык тэрилиннэ. Бу туһунан СӨ баһылыгын уонна бырабыыталыстыбатын пресс-сулууспата иһитиннэрдэ.

Үөрүүлээх быһыыга-майгыга Ил Дархан Айсен Николаев киин куорат олохтоохторун уонна ыалдьыттарын бырааһынньыгынан эҕэрдэлээтэ, ону таһынан устудьуоннар этэрээттэрин үлэлэрэ саҕаламмытынан биллэрдэ. Оҕолорго ситиһиини баҕарда.

“Бүтүн өрөспүүбүлүкэ үрдүнэн тутуу үгэннээн турар. Ол курдук оскуолалары, балыыһалары тутабыт, хаарбах туруктаах дьиэлэри суох оҥоробут, саҥа суоллары, бырамыысыланнас эбийиэктэрин тутабыт. Эһиги үлэҕит, Сахабыт сирин өссө мааны, баай, дьоллоох оҥорор баҕа санааҕыт биһиэхэ улахан суолталаах”, – диэн Айсен Николаев эттэ.

Маны таһынан Россия күнүгэр аҕыс уолга уонна кыыска, үөрэхтэригэр үчүгэй, актыбыыс оҕолорго Ил Дархан сүрүн докумуоннарын – РФ гражданина буолалларын туоһулуур пааспардарын туттарда.

Ленин болуоссатыгар буолбут бырааһынньыгы  Г.М. Кривошапко аатынан Саха сирин судаарыстыбаннай филармониятын симфоническай хора, Lena river Brass оркестр уонна да атыттар киэргэттилэр.

 

     

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

18 + четырнадцать =

ЛЕНТА НОВОСТЕЙ