Саха сирин олохтоохторун сэдэх паразиттар баар буолбуттарын туһунан сэрэттилэр

Комментарии Горячая линия

Поделиться:

НВК САХА – Хаҥалас улууһугар лингватулез баарын буллулар. Бу паразит ыттан сөтөллүбүтүгэр тахсыбыт.

Бэтэрэнээрийэ департаменыгар иһитиннэрбиттэринэн, маннык ыарыы Кытайга, Египеккэ, Эквадорга, Судаҥҥа, Ливаҥҥа баара бэлиэтэнэр эбит. Оттон Арассыыйаҕа аҕыйах киһи бу ыарыыга сыстыбыттаах.

“Бүгүҥҥү күҥҥэ диэри маннык ыарыыны утары миэрэ оҥоһулла илик. Ыалдьыбыт ыт өлбүтүн кэннэ быарын, бүөрүн, таалын уонна төбөтүн суох гыныахха наада. Эт аһылыктаах кыылларга сүөһүнү, дьиэ кыылын чугаһаппат ордук”, – диэн Хаҥалас улууһугар СӨ туһанааччы быраабын көмүскэлин уонна киһи этэҥҥэ буолуутун кэтиир федеральнай сулууспа салалтата (Роспотребнадзор) бэлиэтээтэ.

Сүөһү иитэр сири ыраастык тутарга сүбэлээтилэр: “Идэһэни өлөрбүт сиргэ ыты чугаһаппат ордук. Эти үчүгэйдик буһаран сиэхтээххит”.

Бастаан Чурапчы улууһугар 2010 сыллаахха маннык паразикка сыстыы түгэнэ бэлиэтэммит.

“Идэһэни өлөрүү кэнниттэн бэтэринээрдэр бу ыарыы түөрт түгэнин булбуттар (Хадаарга, Хайахсыкка уонна Одьулууҥҥа). Маныаха сүөһүлэр чөл туруктаах көрүҥнээхтэр эбит. 2010 сыллаахха Покровскай куоракка икки саастаах лаайка боруодалаах ыт нимфа ыарыыга сыстыбыт. “Новамек” эминэн эмтээбиттэр, ыт туруга үчүгэй”, – диэн бэтэрэнээрийэ департаменын пресс-сулууспатыгар иһитиннэрдилэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

десять − два =

ЛЕНТА НОВОСТЕЙ