Саха сирин руднигын үлэһиттэрэ 6,5 мөл солкуобайга тэҥнэһэр көмүһү уорууга буруйданаллар

Комментарии Криминал и происшествие

Поделиться:

НВК САХА – Чита уобалаһыттан төрүттээх икки киһи кыһыл көмүһү сокуону кэһэн туран харайыы уонна туоратыы иһин буруйданаллар диэн СӨ куттал суох буолуутун сулууспата иһитиннэрэр.

“Бадараан” рудник үлэһитэ үлэлиир бөһүөлэккэ кистэлэҥ сиргэ бытархай кыһыл көмүһү уурбут. Ол кэннэ биир дойдулааҕын кытта Забайкальскай кыраайга илдьэр туһунан кэпсэппит. Биир дойдулааҕа бу рудникка үлэлиир эбит. Буруйу оҥорорго хас биирдии киһи тугу гынарын чуолкай билэрэ. Иккис киһи уоппускатын кэмигэр “көмүһү туоратааччы” үлэтин оҥороору, бэйэтин массыынатынан “Бадараан” рудникка кэлбит уонна көмүһү ылбыт. Көмүһү массыынаҕа кистээн баран, Өймөкөөн улууһуттан тахсыбыт”, – диэн куттал суох буолуутун сулууспатын иһитиннэриитигэр суруллар.

Эр киһини “Өлүөнэ” федеральнай трассаҕа туппуттар, көмүһү ылбыттар. РФ Киин баанын сыанабылынан, көмүс сыаната 6,5 мөл солкуобайга тэҥнэһэр.

“Бадараан” рудник Уус Ньара бөһүөлэгиттэн 134 км ыраах сытар, “Арҕааҥҥы” (“Западная”) көмүһү хостуур Арассыыйа хампаанньатын актыыбыгар киирэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре × один =

ЛЕНТА НОВОСТЕЙ