Саха сирин үс бырайыага «Биир кэлим субсидия» былааныгар киириэхтэрэ

Комментарии Главные новости, Экономика и сельское хозяйство

Поделиться:

НВК САХА – Бүгүн, кулун тутар 14 күнүгэр, Уһук Илиҥҥэ инвестиция бырайыактарын олоххо киллэрии туһунан Юрий Трутнев салайааччылаах мунньахха Саха сирэ үс бырайыагын көрдөрүө. Бу туһунан Уһук Илини сайыннарыы РФ министиэристибэтин пресс-сулууспата иһитиннэрэр.

Инвестиция бырайыактарыгар 150 миэстэлээх Дьокуускайга кардиология өрөспүүбүлүкэтээҕи диспансера, Кангаласс микрооройуоҥҥа оскуола-уһуйаан уонна “Полярная звезда” сылы эргиччи үлэлиир оҕо сынньанар уонна чэбдигирдэр киинин тутуулара киирдилэр.

Бу туһунан Уһук Илини сайыннарыы министиэристибэтигэр Ил Дархан Айсен Николаев ырытта. Кулун тутар 14 күнүгэр мунньахха “Биир кэлим субсидия” (“Единая субсидия”) иитинэн быйыл ханнык тутуулар үлэҕэ киирэллэрин быһаарыахтара.  “Биир кэлим субсидия” былааныгар барыта 100-тэн тахса социальнай тэрээһин эбиллэрэ былааннанар.

“Биир кэлим субсидия” диэн федеральнай бүддьүөттэн тыырыллар харчы. Бу үп 2019-2021 сылларга көрүллэр.

Бырайыак чэрчитинэн 2018 сылга 58 тэрээһини түмүктээтилэр, ол курдук оскуолалары, уһуйааннары, доруобуйа харыстабылын тэрилтэлэрин туттулар уонна бүтүн Уһук Илиҥҥэ орто үөрэх кыһаларыгар саҥа тэриллэри киллэрдилэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четырнадцать − 6 =

ЛЕНТА НОВОСТЕЙ