Саха сирин сайдыытыгар 5 миллиард солкуобайы ыытыахтара

Комментарии Главные новости, Экономика и сельское хозяйство

Поделиться:

НВК САХА – Саха сиригэр эконономическай үүнүү кииннэрин сайыннарарга 5 миллиард солкуобайы ыытыахтара. Бу туһунан Уһук Илини уонна Арктиканы сайыннарыы министиэристибэтин баһылыга Александр Козлов СӨ бырабыыталыстыбатын чилиэннэрин кытта селекторнай мунньах кэмигэр иһитиннэрдэ.

“Бу харчы социальнай уонна тырааныспар инфраструктуратын сайыннарарга барыаҕа”, – диэн иһитиннэриигэ этиллэр.

Саха сиригэр 2019 сыл бүтүөр диэри бу үлэҕэ 942 мөлүйүөн солкуобай барыаҕа. Үлэҕэ киирэр бырайыактарга Нерюнгрига оҕо поликлиникатын хапытаалынай өрөмүөнэ, Өрөспүүбүлүкэтээҕи сүрэх-тымыр диспансерын, Томпотооҕу элбэх хайысхалаах гимназия тутуута киирэр.

Маны таһынан, Орто Халыма куоракка успуорт комплексата аһыллыаҕа, Дьокуускайтан чугас сылы эргиччи үлэлиир оҕо сынньалаҥ уонна чэбдигирдэр киинэ баар буолуоҕа, киин куорат биир микрооройуонугар оскуола-уһуйааны тутуохтара.

2021 сылга диэри Уһук Илиҥҥэ барыта 400-тэн тахса социальнай эбийиэги тутуохтаахтар уонна өрөмүөннүөхтээхтэр. Маныаха федеральнай хааһынаттан 95,3 миллиард солкуобай көрүллүөҕэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 − 8 =

ЛЕНТА НОВОСТЕЙ