Саха сирин үтүөлээх тренерэ Н.П. Неустроев бирииһигэр оҕолорго турнир ыытылынна (ВИДЕО)

Комментарии Спорт и культура

Просмотров: 24

NVK-ONLINE.RU –  ССРС көҥүл тустууга чөмпүйүөнэ, өрөспүүбүлүкэ үтүөлээх тренерэ Николай Петрович Неустроев бирииһигэр оҕолорго турниры Валерий Петрович Керемясов аатынан Дьокуускайдааҕы 3 №-дээх оҕо спортоскуолата уонна Сайсаар уокуруга тэрийэн ыыттылар.

Балтараа сүүсчэкэ 12-13 уонна 14-15 саастаах оҕолор икки бөлөҕүнэн хайдан, икки күн устата ким үчүгэй бэлэмнээҕин быһаарыстылар. Мэҥэ Хаҥалас, Уус Алдан, Чурапчы, Хаҥалас улуустарыттан кэлэннэр, турнир сүрдээх сэргэхтик ааста. Ким элбэхтик эрчиллэр – ол үрдүк ситиһиилэнэрэ арылхайдык көһүннэ.

Кыайыыны ситиһэр туһугар оҕолор туох баардарынан туһуннулар. 3 №-дээх спортоскуола, Олимпийскай эрэл училище, Чурапчы тустуук оҕолоро элбэх кыайыылары ситистилэр.

Тренердэр бэйэлэрин иитиллээччилэригэр, төрөппүттэр, эһээлэр, эбээлэр кэлэн оҕолоругар, сиэннэригэр икки күнү быһа ыарыйдылар. Оҕолор үчүгэйдик тустар буолуулара төрөппүттэртэн эмиэ тутулуктаах.

Бэртээхэй тустуулар буоллулар. Сахабыт сиригэр көҥүл тустуу сайдар кэскилэ улахан.



Добавить комментарий

Ваш e-mail не будет опубликован. Обязательные поля помечены *