Саха сирин урбаанньыттара Япония тэрилтэлэрин кытта бииргэ үлэлэһиэхтэрэ

Комментарии Главные новости, Экономика и сельское хозяйство

Поделиться:

НВК САХА – Японияҕа бэс ыйын 3 күнүттэн 9 күнүгэр диэри өрөспүүбүлүкэҕэ аччыгый уонна орто урбаанынан дьарыктанааччылар мунньахтара (бизнес-миссия) ыытылынна. Бу туһунан СӨ инновация, цифровой сайдыы уонна инфокоммуникационнай технология министиэристибэтин пресс-сулууспата иһитиннэрдэ.

Саха сирин делегациятыгар технопарк резиденнэрэ – “Саха чай” хампаанньа, Олонхоҕо олоҕуран бастакы комикс-манганы таһаарбыт RUM анимация устуудьуйата уонна ветеринарнай эмтэри оҥорор “Хоту-Бакт” киинэ киирдилэр.

“Саха чай” хампаанньа бэрэстэбиитэллэрэ Японияҕа элитнэй чэй суортарын атыылыыр тэрилтэни кытта көрүстүлэр. Көрсүһүүгэ Японияҕа кучу чэйи атыылыырга бииргэ үлэлэһии Меморандумун баттаатылар”, – диэн пресс-сулууспа иһитиннэрдэ.

Оттон “Хоту-Бакт” киин Саха сирин ирбэт тоҥ буоруттан тахсар бактериялары салгыы Япония бөдөҥ үөрэх тэрилтэтин – Тодай үнүбэрситиэти (Токио) кытта үөрэтиэ.

“RUM анимация устуудьуйата A1 Studio уонна Studio Deen диэн анимациянан дьарыктанар хампаанньа бэрэстэбиитэллэрин кытта көрүстэ. Инникитин тэҥҥэ бырайыак оҥорон таһаарарга былааннаатылар”, – диэн эттилэр.

Маны таһынан “Якутия” технопарк Канагава научнай пааркатын кытта бииргэ үлэлэһии сөбүлэҥин түһэристилэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре × 4 =

ЛЕНТА НОВОСТЕЙ