Саха сириттэн VII кылаас кыыһа улахан дьон ортотугар Арассыыйа дуобакка чөмпүйүөнэ буолла

Комментарии Спорт и культура

Поделиться:

НВК САХА – Дьокуускай куораттааҕы саха гимназиятын 7 кылааһын үөрэнээччитэ Тунаара Федорова Арассыыйа чөмпүйэнээтигэр улахан дьон ортотугар 100 харахтаах дуобакка  «олус түргэн» бырагыраамаҕа кыһыл көмүс мэтээли ылары ситистэ. Бу туһунан успуорт министиэристибэтин пресс-сулууспата иһитиннэрэр.

Москва уобалаһын Одинцовскай оройуонун Покровское бөһүөлэгэр ыытылла турар күрэхтэһиигэ Тунаара  39 кыттааччыны, ол иһигэр  норуоттар икки ардыларынааҕы 6 гроссмейстеры,  норуоттар икки ардыларынааҕы 8 маастары, дуобат аан дойдутааҕы федерациятын 4 маастарын кэннигэр хаалларан, инники күөҥҥэ таҕыста.

Горнай улууһуттан төрүттээх кыыс 100 харахтаах дуобакка Арассыыйа саамай эдэр чөмпүйүөнүн быһыытынан официальнай рекорду олохтоото.

13 саастаах Тунаара Федорова оҕолор ортолоругар Аан дойду, Европа, Арассыыйа хас да төгүллээх чөмпүйүөнэ, призерэ буолар. Кинини саахымат-дуобат өрөспүүбүлүкэтээҕи киинигэр тренер Иван Павлов дьарыктыыр.

Бу күннэргэ Арассыыйаҕа ыытылла турар чөмпүйэнээт «олус түргэн», «түргэн» уонна «классика» диэн бырагыраамаларынан барар. Саха сириттэн норуоттар икки ардыларынааҕы гроссмейстер Матрена Ноговицына үрүҥ көмүс мэтээлгэ тигистэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четырнадцать + одиннадцать =

ЛЕНТА НОВОСТЕЙ