Саха спортсмена Григорий Попов UFC-ҕа киирдэ

Комментарии Главные новости, Спорт и культура

Поделиться:

НВК САХА –  Саха сирин биллэр спорстмена Григорий Попов бүгүн аан дойдуга биллэр UFC -ны кытта хантараак түһэристэ. Бу туһунан кини социальнай ситим нөҥүө сырдатта.

«Мин UFC байыаһа буоллум. Бу миэхэ эрэ буолбакка, дьиэ кэргэммэр, доҕотторбор уонна саха норуотугар дьоһун бэлэх дии саныыбын», – диэн Григорий суруйда.

Григорий менеджеригэр Саят Абдарахмановка, доҕотторугар, аймахтарыгар, тренеригэр Иван Решетниковка уонна биир дойдулаахтарыгар улахан махталын тиэрдэр. Бу сыл олунньу ыйыгар спорсмены өйүүргэ диэн харчы хомуллубута. Григорий UFC-га киирэригэр үбүлээһин тиийбэтэ атахтыыр этэ. Ону өрөспүүбүлүкэ үгүс олохтооҕо өйөөбүтэ.

Григорий Попов ММА-ҕа 13 кыайыылаах уонна биир хотторуулаах. Кини тайскай боксаҕа профессионаллар ортолоругар Аан дойду чөмпүйүөнэ, ММА-ҕа Азия чөмпүйүөнэ, норуоттар икки ардыларынааҕы үгүс турнирдар кыайыылааҕа.

Григорий билигин Таилаҥҥа «Tiger Muay Thai and MMA» диэн аан дойдутааҕы кулууп лааҕырыгар эрчиллэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

13 − 4 =

ЛЕНТА НОВОСТЕЙ