Сахамин Афанасьев: Ыччаты уонна уопсастыбаннай иниспиэктэрдэри көмөлөһүннэрэн, күүскэ үлэлиэхпит

Комментарии Общество и политика

Поделиться:

НВК САХА – РФ бэрэсидьиэнэ Владимир Путин Федеральнай мунньахха туһаайан этиитин туһунан экология, айылҕаны туһаныы уонна ойуур хаһаайыстыбатын миниистирэ Сахамин Афанасьев санаатын эттэ. Ол курдук министиэристибэ үлэтигэр уопсастыбаннай иниспиэктэрдэргэ уонна ыччакка тирэҕириэхпит диэтэ. Бу туһунан СӨ официальнай порталыгар таһаардылар.

“Владимир Путин туһаайан этиитигэр гражданнар хонтуруолларыгар болҕомтотун уурда. Экология уопсастыбаннай иниспиэктэрдэрин тирэх оҥостуҥ диэн сүбэлээтэ”, – диэтэ Сахамин Афанасьев. 

“Саха сиригэр икки сыллааҕыта уопсастыбаннай иниспиэктэрдэр систиэмэлэрэ баар буолбута. Бүгүҥҥү күҥҥэ 443 киһи уопсастыбаннай иниспиэктэрдэр эрээттэригэр киирбитэ. Кинилэр риэйдэлэргэ кытталлар, айылҕа харыстабылын сокуонугар кэһиллиилэри булаллар, тулалыыр эйгэни харыстыырга нэһилиэнньэҕэ өйдөтөр үлэлэри ыыталлар”, – диэн Сахамин Афанасьев этэр.

Бүгүҥҥү күҥҥэ уопсастыбаннай иниспиэктэрдэр үлэлэрэ үтүө түмүктэрэ көһүннэ. Былаас уонна нэһилиэнньэ бииргэ үлэлэһэллэригэр уонна айылҕаҕа харыстабыллаах сыһыаны олохтуурга көмөлөһөллөр.

“Маны таһынан бэрэсидьиэн ыччаты дойдуга экология кыһалҕатын быһаарарга кыттыһалларыгар ыҥырда. Бу олус наадалаах уонна сөптөөх ыҥырыы буолар. Тоҕо диэтэххэ, экология туруга ыччаттан тутулуктанара үгүс”, – диэн миниистир бэлиэтээтэ.

Саха сиригэр экологияҕа ыытыллар үлэҕэ ыччат көхтөөхтүк кыттыһар буолбутун миниистир эттэ. Министиэристибэҕэ 2017 сылтан ыччат сэбиэтэ үлэлиир. Сэбиэт чилиэннэрэ экологическай аахсыйалары, тэрээһиннэри, пуорумнары уонна кэмпириэнсийэлэри ыыталлар.

“Бэрэсидьиэн экологияҕа сыһыаннаах соруктара биһиги былааннарбытын кытта сөп түбэһэллэр”, – диэн Сахамин Афанасьев түмүктээтэ.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

1 × 3 =

ЛЕНТА НОВОСТЕЙ