«Сандал саас»: «Саха» НКИХ көрөөччүлэригэр бэлэх уунар

Комментарии От редакции

Поделиться:

НВК САХА – “Саха” НКИХ быйыл үһүс төгүлүн “Сандал саас” (“Весна на НВК”) диэн акцияны тэрийэн ыытар. Кулун тутар 31 күнүгэр араадьыйанан, тэлэбиисэринэн бырааһынньыктааҕы эфири көрүөххүт, истиэххит.

Бу тэрээһини ааспыт сылларга дьон-сэргэ олус сэргээбитэ, элбэх сыаналаах бириистэри оонньотон, үөрүү-көтүү үксээбитэ. Оттон быйыл эмиэ бырааһынньыктааҕы эфир эрэ буолбакка, көрөөччүлэргэ анаан элбэх бириистэри, бэлэхтэри бэлэмнээтилэр.

Кулун тутар 31 күнүгэр “Саха” НКИХ ханаалыгар 13:15 уонна 18:45 чаастан “С ветерком!”  диэн артыыстар уонна суруналыыстар күрэхтэһиилэрэ ыытыллыаҕа. Ону таһынан араадьыйаҕа 14.00 чааска быһа эфиргэ “Сааскытыйыы” диэн шоуну ыытыахтара.

Оттон 15.00 чааска “Саха” НКИХ уонна “Мамонт” ханаалларга “Сандал саас” (“Весна на НВК”) бырааһынньыктааҕы эфиргэ анал купонунан сыаналаах бириистэри оонньотуохтара: мотоцикл, беседка, от охсор, тыы, саа, көмүс оҥоһуктар, STIHL эрбии, илин кэбиһэр, портативнай гараж уо.д.а.

“Бириистэри 15.00 чааска быһа эфиргэ оонньотуохпут. Кыайыылаахтарга тута төлөпүөннүөхпүт. Онон, купон атыыласпыт дьон, төлөпүөҥҥүтүн араарбакка, тэлэбиисэр иннигэр кэтэһээриҥ диэн ыҥырабыт. Сандал сааһы бары бииргэ көрсүөҕүҥ!”, – диэтэ продюсер Марина Пермякова.  

“Харысхал” магниттаах купон атыыга тахсан турар, сыаната 250 солкуобай. Орджоникидзе уул., 48-с дьиэтиттэн атыылаһыахха сөп. Билсэр төлөпүөҥҥүт: 42-00-88, 72-11-88.

“Улуус дьоно “Харысхал” магниттаах купону куоракка баар аймахтарынан атыылаһыннарыахтарын сөп, онно төлөпүөннэрин нүөмэрин, ааттарын-суолларын эрэ этиэхтэрин наада”, – диэн “Саха” НКИХ тэлэбиидьэнньэтин дириэктэрэ Михаил Сергеев эттэ.

Киэһэ 19.30 чааска быһа эфиргэ аан дойду икки чөмпүйүөнэ дуобакка киирсиэхтэрэ. Саха сириттэн Матрена Ноговицына уонна Польшаттан Наталия Садовска күрэхтэһиэхтэрэ.

Сандал сааһы бииргэ көрсүөҕүҥ!

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семь + шесть =

ЛЕНТА НОВОСТЕЙ