СанПин саҥа ирдэбилэ: Оскуолаларга оҕо аһылыгын бэлэмнииргэ йодтаах туус эрэ туттуллуохтаах

Комментарии Образование и здравоохранение

Поделиться:

НВК САХА – 2019 сыл муус устар 8 күнүгэр киирбит СанПин саҥа ирдэбилинэн, бары оскуолаҕа уонна алын, биитэр орто анал үөрэх тэрилтэлэригэр аһы астыырга хайаан даҕаны  йодтаах туус туттуллуохтаах.

Арассыыйа олохтооҕо күҥҥэ ортотунан 40-80 мкг йоду сиир. Ити олохтоммут нуорматтан үс төгүл намыһах. Маныаха Саха сирэ йод саамай тиийбэт субъегынан буолар.

Улахан дьоҥҥо щитовиднай былчархай ыарыытын 65%, оҕолорго – 95% йод тиийбэтиттэн үөскүүр. Бу элэмиэн тиийбэтин кытта сибээстээх диффузнай зоб туһунан ырытыы көрдөрөрүнэн, 0-14 саастаах оҕо ортотугар кэнники 4 сылга бу ыарыынан ыалдьыы 53% үрдээбит.

Өрөспүүбүлүкэҕэ оҕо доруобуйатын харыстыыр инниттэн СӨ судаарыстыбаннай санитарнай сүрүн бырааһа М.Е. Игнатьева 2018 сыллаахха ахсынньы 21 күнүгэр «Оҕо кэлэктииптэрин йодтаах тууһунан хааччыйыы туһунан» уурааҕы таһаарбыта. Дөкүмүөҥҥэ олоҕуран, оҕо эбийиэктэригэр итинник састааптаах тууһу эрэ туһаныы көрүллэр.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семь + девять =

ЛЕНТА НОВОСТЕЙ