Сбербаан килийиэннэригэр харчыны маҕаһыын кассатыттан устары көҥүллүө

Комментарии Общество и политика

Поделиться:

НВК САХА – Сбербаан уу харчыны маҕаһыын каассатыттан устар өҥөнү киллэрэр. Бу өҥөнөн Visa карталаах атын да дьон туһанар кыахтаныа.

Уу харчыны устуу төлөбүр картанан оҥоһуллар түбэлтэтигэр кыаллыа. 2019 сыл от ыйыгар өҥөнү олоххо киллэрии саҕаланыытыгар сиэрбиһинэн Visa карталаах атын да дьон туһанар буолуо.

“Бу өҥө 2019 сыл от ыйыгар дьоҕус уонна орто биисэнэс атыы-эргиэн туочукаларыгар арыллыа, ол кэнниттэн Visa карталаах атын да дьон туһаныа. Атыы-эргиэн бөдөҥ биисэнэһэ бу сиэрбиһи балаҕан ыйыттан киллэриэ. Биир операция иһигэр 5 тыһыынча солкуобайга диэри уу харчыны устуохха сөп”, – диэн баан иһитиннэриитигэр этиллэр.

Харчыны устуу маннык оҥоһуллар: Маҕаһыын кассатыгар атыыны картанан төлүүр буоллахха кассир уу харчыны устууну учуоттаан уопсай сууманы киллэрэр, оттон атыылаһааччы операцияны ПИН-кодунан бигэргэтэр. Онон улааппыта 5 тыһыынчаҕа диэри уопсай суума биир операция иһигэр уһуллан уу харчынан бэриллиэ.

Сбербааҥҥа быһаарбыттарынан, билиҥҥитэ өҥө төһө сыаналаах буолара дьүүллэһиллэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один + 3 =

ЛЕНТА НОВОСТЕЙ