«Сбербанк» Саха сиригэр дьиэ тутуутун үбүлүөҕэ

Комментарии Экономика и сельское хозяйство

Поделиться:

НВК САХА – Саха сирин бырабыыталыстыбата уонна “Сбербанк” дьиэ тутуутун үбүлээһинигэр бииргэ үлэлэһиэхтэрэ уонна өрөспүүбүлүкэҕэ ипотека бырыһыанын кыччата сатыахтара. Бу туһунан баан пресс-сулууспата иһитиннэрэр.

“Сбербанк өрөспүүбүлүкэ инфраструктуратын бырайыактарын, олорор дьиэлэри тутарга уонна өрөмүөннүүргэ үбүлүүр кыаҕы көрүө. Ону таһынан дьон дьиэ ылынарыгар ипотека бырагыраамаларын олоххо киллэрэргэ кыттыһыа”, – диэн иһитиннэриигэ этиллэр.

Олунньу 14 күнүгэр Сочига ыытылла турар Арассыыйатааҕы инвестиция пуорумугар Ил Дархан Айсен Николаев уонна “Сбербанк” бырабылыанньатын бэрэссэдээтэлэ Герман Греф сөбүлэҥҥэ илии баттаатылар.

Сөбүлэҥҥэ Саха сирин экэниэмикэтэ сайдарыгар үп-харчы, кирэдьиит хайысхатыгар бииргэ үлэлэһэр туһунан суруллар. Ону таһынан национальнай бырайыактары олоххо киллэрэргэ уонна инфраструктураны саҥардарга үлэлэһиэхтэрэ.

Арассыыйатааҕы инвестиция пуорумун дьыалабыай бырагыраамата үс сүрүн хайысхалаах – “Арассыыйа дьыалабыай туруга” (“Деловой климат в России”), “Эрэгийиэн бэлиитикэтэ” (“Региональная политика”) уонна “Саҥа социальнай бэбиэскэ” (“Новая социальная повестка”), ону таһынан пуорумнар, быыстапка ыытыллаллар.

Дьыалабыай бырагыраамаҕа сүрүн болҕомто национальнай бырайыактары федеральнай уонна эрэгийиэн таһымыгар олоххо киллэриигэ туһуланар. Ону таһынан РФ субъектарыгар экэниэмикэ сүрүн хайысхаларын уонна инвестиция инникитин көрүөхтэрэ. Пуорумҥа былаас уорганнара уонна урбаан бэрэстэбиитэллэрэ кытталлар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четырнадцать + 10 =

ЛЕНТА НОВОСТЕЙ