Семен Данилов сырдык аатыгар мэҥэ дуосканы ХИФУ-ка арыйдылар (ВИДЕО)

Комментарии Главные новости

Просмотров: 51

NVK-ONLINE.RU – Саха норуодунай суруйааччылара Семен, Софрон Даниловтар саха литэрэтиирэтэ сайдарыгар  сүҥкэн кылааттара үйэлэргэ умнуллубат. Бүгүн, муус устар 21 күнүгэр, Дьокуускайга талааннаах суруйааччылар төрөөбүттэрэ сүүс итиэннэ 95 сылларыгар аналлаах тэрээһин ыытыллар.

Олох ис дьиҥин , кэм-кэрдии, киһи ис санаатын итиэннэ Ийэ дойдуга уостубат тапталы хоһуйар Семен Данилов поэзията үйэлэргэ сүппэт . Оттон кини 17 сыл суруйааччылар холбоһуктарын салайбыт кэмин, уус-уран литэрэтиирэтэ көмүс кэрчигинэн ааттыыллар. Бу сылларга саха суруйааччыларын айымньылара Россияны уҥуордаан, аан дойдуга дорҕоонноохтук иһиллэр.

Оттон Софрон Данилов айар үлэтэ эмиэ хатыламмат ураты. «Сүрэх тэбэрин тухары», «Киһи биирдэ олорор» онтон да атын бөдөҥ романнара, сэһэннэрэ, кэпсээннэрэ киһи ис уйулҕатын нарын кылын таарыйан, үтүөҕэ сирдииллэр.

Ини-бии Семен, Софрон Даниловтар үтүө ааттарын үйэтитэн, сотору кэминэн Дьокуускайга сквер аһыллыаҕа. Бэлиэ түһүлгэ ини-бии суруйааччылар олорбут дьиэлэрин таһыгар оҥоһуллуохтаах. Манна талааннаах дьон сырдык сэбэрэлэрэ мэҥэ тааска кутуллан, өйдөбүнньүк туруоҕа. Үйэлээх үлэ скульптор Семен Прокопьев бырайыагынан ситэриллиэҕэ.

Саха норуотун талба талааннаах икки чулуу киһитэ өрөспүүбүлүкэ уопсастыбаннай олоҕор далааһыннаах үлэни ыыппыттара. Бу улахан холобур буолар диэн бүгүҥҥү үөрүүлээх мунньахха кэлбит дьон эттилэр. Үбүлүөйдээх бэлиэ тэрээһиҥҥэ өрөспүүбүлүкэ салалтата. Семен, Софрон Даниловтар аймахтара, Горнайтан биир дойдулаахтара кытыннылар.



Добавить комментарий

Ваш e-mail не будет опубликован. Обязательные поля помечены *

18 + четырнадцать =