Сербияҕа саха сэргэтэ! (ВИДЕО)

Комментарии Главные новости, Общество и политика

Поделиться:

NVK-ONLINE.RU – Сахалар ыһыахпытын өрөспүүбүлүкэбит эрэ иһигэр буолбакка, Европаҕа эмиэ тэрийэн ыытар буоллубут. Ол курдук бу соторутааҕыта Сербияҕа Прогар диэн куоракка үрдүк таһымнаах ыһыах ыстылар. Бу тэрээһини саха литэрэтиирэтин төрүттээбит Өксөкүлээх Өлөксөй сиэнэ Лариса Кулаковская тэрийэн ыытта. Ыһыах ыытыллыбыт сиригэр Сербияҕа үүнэн турбут дуб мастан сэргэ оҥорон туруордулар, оһуокай эттилэр.

Биһиги устар бөлөхпүт ыһыах ыһыллыахтаах Сербия киин куоратын Белград таһыгар баар Прогар диэн дэриэбинэтигэр тиийдэ. Хас да сэриини эттэринэн-хааннарынан билбит Сербия олохтоохторо олус ыалдьытымсах, үлэһит дьон буолан биэрдилэр. Тыа дьоно буолаллырн быһыытынан астара-үөллэрэ бэйэлэрин киэнэ.

Сарсыныгар бколкохтаах ыһыахтыыр сиэ тиийбиппит Александр Павлов сэргэтин оҥорон бүтэрэн эрэр эбит. Алгысчыт саха сиэринэн уохтаах кымыһынан, арыылаах алаадьынан айах тутан, аал уотун аһатта. Ол кэнниттэн тоҕоруоһа мустубут дьон оһуокайдаан ойдо, эһиэкэйдээн тэйдэ.

Ыһыаҕы кытта сөп түбэһиннэрэн, мас тардыһыытыгар Европа чемпионатын тэрийдилэр. Араас дойду күүстээх мадьанылара ох курдук оҥостон кэлбиттэр. Эчэйии кэнниттэн тохтуу сылдьыбыт Россия ха да төгүллээх чөмпүйүөнэ, аан дойду икки төгүллээх чөмпүйүөнэ Виктор Колибабчук үчүгэй бэлэмнээҕин көрдөрдө.

Сахаларын сирин ахтылҕаныгар куустарбыт Европа араас дойдутугар бытанан олорор биир дойдулаахтарбыт бэйэ дьоунун көрсүбүттэриттэн, ыһыах тэрээһиниттэн сүрдээҕин астыммыттарын бэлиэтээтилэр.

Сербияҕа ыһыах ыһыллыытын тэрийбит Прогарга хаһыс да сылын олорор Лариса Реасовнаҕа биир дойдулаахтарын махтала муҥура суох. Кырдьык даҕаны, Европаҕа тиийэн олохтоох былааһы кытта кэпсэтэн, дьону түмэн ыһыаҕы тэрийии эттэххэ дөбөҥ.

Европа араас муннуктарыттан Турцияттан, Москваттан, Санкт-Петербургтан мустубут биир дойдулаахтарбыт үрүҥ тунах ыһыахтан дуоһуйа сынньанан, ахтылҕаннарын таһааран тарҕастылар. Салгыы Европаҕа ыһыах ыһар үгэһи калининградтарга туттардылар.



Поделиться:




Добавить комментарий

Ваш e-mail не будет опубликован. Обязательные поля помечены *

два × 5 =

ЛЕНТА НОВОСТЕЙ