Силиэдэбэтэллэр Удачнай шахтатыгар үлэһит суорума суолламмыт чахчытынан холуобунай дьыаланы көбүттүлэр

Комментарии Главные новости, Криминал и происшествие

Поделиться:

НВК САХА – РФ силиэстийэлиир кэмитиэтин Саха сиринээҕи силиэстийэлиир управлениетын Мииринэйдээҕи силиэстийэлиир салаата Айхал-Удачнай анал шахтаны тутар салалта үлэһитэ суорума суолламмыт чахчытынан холуобунай дьыаланы көбүттэ. Бу туһунан  РФ силиэстийэлиир кэмитиэтин Саха сиринээҕи силиэстийэлиир управлениетын салайааччытын сонуннары киэҥник тарҕатар ситимнэри кытта үлэҕэ старшай көмөлөһөөччүтэ Надежда Дворецкая иһитиннэрдэ.

“Дэлби тэптэрии тахсыан сөптөөх эбийиэктэригэр куттала суох буолуу быраабылатын кэһии тахсыбытын түмүгэр Айхал-Удачнай анал шахтаны тутар салалта үлэһитэ суорума суолламмыт чахчытынан холуобунай дьыала көбүтүлүннэ”, – диэн Дворецкая иһитиннэрдэ.

Билигин биллибитинэн, от ыйын 11 күнүгэр, сарсыарда 6 чаас саҕана Айхал-Удачнай анал шахтаны тутар салалта 9 №-дээх учаастагын дэлби тэптэрэр үлэһитэ шахтаҕа дэлби тэптэрэр тэриллэри уура сылдьыбыт.

Үлэ кэмигэр дэлби тэбэр тэрил эстибитин түмүгэр, үлэһит улахан эчэйиини ылан тыына быстыбыт.

Быһылаан -657,8 м баар горнизоҥҥа тахсыбыт. Тэрилтэ үлэһитэ 42 саастааҕа.

“Мииринэйдээҕи силиэстийэлиир салаа суһал силиэстийэлиир бөлөҕө быһылаан тахсыбыт сирин тиийэн көрдө”, – диэн Дворецкая эбэн эттэ.

Холуобунай дьыаланы сирийэн көрүү чэрчитинэн, силиэдэбэтэллэр быһылаан тахсыбыт төрүөтүн быһаарыахтара. Сирийэн көрүү салҕанар.

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

2 × один =

ЛЕНТА НОВОСТЕЙ