Соҕуруу Кореяҕа “Ханбит” АЭС реакторын тохтоттулар

Комментарии Общество и политика

Поделиться:

НВК САХА – Соҕуруу Корея “Ханбит” атомнай электростанциятын ядернай реакторын, техническэй кэһиллии тахсан, бүгүн араардылар. Бу туһунан Korea Hydro & Nuclear Power  судаарыстыбаннай хампаанньа иһитиннэрдэ.

Иһитиннэриигэ ыйылларынан, 1 мөлүйүөн кВт⋅ч кыамталаах 5 нүөмэрдээх реакторы, транспармаатар үлэтигэр кэһиллии тахсан,  Москуба бириэмэтинэн 7 чаас 25 мүнүүтэҕэ, тохтоттулар. Радиация быыһылааһына тахсыбата. Дьоҥҥо куттал суоһаабат.

“Ханбит 5” реактор арҕаа кытылга Сеул куораттан 350 килэмиэтир соҕуруу баар.

Билигин манна чөлүгэр түһэрэр үлэни ыыталлар. Ол кэнниттэн реактор үлэтин сөргүтүөхтэрэ. ТАСС иһитиннэрэринэн, бу иннинэ 2018 сыл балаҕан ыйыгар эмиэ итинник кэһиллииттэн бу реактор үлэтин тохтото сылдьан баран, сэтинньи ыйга хаттаан холбообуттара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 − один =

ЛЕНТА НОВОСТЕЙ