Солодов: Саха сиригэр социальнай уларыта тутууга ким да эмсэҕэлиэ суохтаах

Комментарии Общество и политика

Поделиться:

НВК САХА – Хас биирдии угуллубут солкуобай көдьүүстээхтик туһаныллыахтаах. Итинник cанаатын бүгүн социальнай эйгэ сайдыытынан пресс-конференция ыыппыт СӨ бырабыыталыстыбатын бэрэссэдээтэлэ Владимир Солодов бэлиэтээтэ. Онуоха ханна да үөрэх, култуура, успуорт биитэр доруобуйа хайысхатыгар өҥөнү оҥоруу хаачыстыбата мөлтүө суохтааҕын чопчулаан ыйда.

Бырабыыталыстыба бэрэссэдээтэлэ Саха сиригэр сорох оскуолаҕа биирдии үөрэнээччигэ мөлүйүөнтэн тахса солкуобай ороскуоттанарын бэлиэтээтэ. Онон сыаната үрдүк эрээри, хаачыстыба мөлтөх итиэннэ тырааныспар өттүнэн быһаарыллар буоллаҕына, бырабыыталыстыба атын хардыылары оҥорорго этиилэри киллэриэ. Ол сүрүннээн административнай хайысхалаах буолуо.

Владимир Солодов бэлиэтииринэн, нэһилиэнньэлээх пууҥҥа биир хайысхаҕа үлэлиир хас да тэрилтэ баар буоллаҕына, ону холбоон, дьаһайар персоналга барар ороскуоту сарбыйан, ол үп тус үөрэҕи сайыннарарга ыытыллыа. Итини таһынан салайар персонал ахсаана сарбыллыа. Субу кэмҥэ СӨ бырабыыталыстыбата ыраах нэһилиэктэргэ оҕолору үөрэтии саҥа суолун-ииһин тобулар.

Премьер-миниистир: «Хас биирдии түбэлтэҕэ боппуруос туһунан көрүллүө. Ол үлэтиттэн босхолонор дьоҥҥо сыһыаннаах. Кинилэри үлэнэн хааччыйыы боппуруоһа быһаарыллыа», – диэн эттэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × два =

ЛЕНТА НОВОСТЕЙ