Босуобуйаны уонна оҕо харчытын аны «Мир» эрэ картаҕа түһэриэхтэрэ

Комментарии Экономика и сельское хозяйство

Поделиться:

НВК САХА – Үлэтэ суохтарга, радиацияттан эмсэҕэллэбиттэргэ социальнай босуобуйаны уонна ыйдааҕы оҕо харчытын аны «Мир» эрэ каартаҕа түһэрэр буолуохтара. Бу туһунан РБК ааҕыныстыба иһитиннэрэр.

Дойду бырабыыталыстыбатын ыйааҕа бу сыл ыам ыйын 1 күнүттэн олоххо киириэҕэ. Ыйаахха этиллэринэн, «Мир» картаҕа биэнсийэ бары көрүҥэ уонна да атын байыаннай биэнсийэлээхтэр социальнай төлөбүрдэрэ, маны таһынан быраабы араҥаччылыыр уорган биэнсийэлээхтэрэ 2020 сыл от ыйын 1 күнүгэр диэри көһөрүллүөхтэрэ.

Бу саҥа быраабыла 8 мөлүйүөн кэриҥэ киһини хаарыйыаҕа.

Бүгүҥҥү күҥҥэ дойду бааннара 56 мөлүйүөн «Мир» национальнай картаны таһаарбыттар.

2019 сылга федеральнай бүддьүөттэн үлэтэ суохтар босуобуйаларыгар анаан 53,4 миллиард солкуобай көрүллүбүт, оттон радиацияттан эмсэҕэллэбиттэргэ – 13,8 миллиард солкуобай. Оттон оҕо харчытын аҥаара олохтоох бүддьүөттэн көрүллэр.

Санаттахха, «Мир» национальнай баан картатын тэрийэр туһунан быһаарыныы 2014 сыллаахха сааҥсыйаларынан сибээстээн ылыныллыбыта. Оттон бүддьүөт үлэһиттэрин уонна биэнсийэлээхтэри «Мир» картаҕа көһөрүү туһунан сокуон 2017 сыл ыам ыйыгар ылыныллыбыта. Бүддьүөт эйгэтин бары үлэһиттэрэ хамнастарын уонна устудьуоннар истипиэндьийэлэрин национальнай картаҕа былырыын от ыйын 1 күнүттэн ылан саҕалаабыттара. Оттон боростуой биэнсийэлээхтэри национальнай төлөһөр систиэмэҕэ 2020 сыл от ыйын 1 күнүттэн көһөрүөхтэрэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пятнадцать − два =

ЛЕНТА НОВОСТЕЙ