Степанида Артахинова Токиоҕа Паралимпийскай оонньууларга кыттыаҕа

Комментарии Главные новости, Спорт и культура

Поделиться:

НВК САХА – Нидерландыга буолбут сүһүөхтэринэн инбэлииттэр ортолоругар оҕунан ытыыга Аан дойду чөмпүйэнээтигэр саха охчута Степанида Артахинова үрүҥ көмүс уонна боруонса мэтээллэри кыайда. Онон 2020 сыллаахха Япония Токио куоратыгар буолар Паралимпийскай оонньууларга кыттар бырааптанна.

Чөмпүйэнээт түмүктүүр түһүмэҕэ бэс ыйын 9 күнүгэр буолбута. Хамаанданан киирсиигэ Татьяна Андриевскаялыын уонна Анастасия Джиоевалыын үһүс миэстэни ыллылар. «Микст» диэн дьиссипилиинэҕэ Степанида Улан-Удэттэн Баир Шигаевтыын кытынна. Манна спортсменнар үрүҥ көмүс мэтээли ыллылар.

Бу күрэхтэһии Паралимпийскай оонньууларга кыттар иһин бастакы сүүмэрдиир түһүмэҕинэн буолла. Барыта холбоон 80 спортсмен дойдуларыгар Паралимпиадаҕа кыттарга быраабы ыллылар.

Санатан эттэххэ, турнир бастакы күнүгэр Степанида Артахинова аан дойду саҥа рекордун олохтообута. Ол курдук 50 миэтэрэттэн 216-та ытан, 2037 очкону ылбыта.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − 10 =

ЛЕНТА НОВОСТЕЙ