Судаарыстыбаннай мэктиэ бырагыраамматыгар паллиативнай көмөнү оҥорууга сыһыаннаан уларыйыы киириэ

Комментарии Общество и политика

Поделиться:

НВК САХА – Арассыыйа доруобуйа харыстабылыгар министиэристибэтэ 2019-2021 сылларга мэдисиинэ көмөтүн босхо оҥоруу судаарыстыбаннай мэктиэтин бырагыраамматыгар паллиативнай көмөнү оҥоруу уонна дьоҥҥо табыгастаах бириэмэҕэ сэрэтэр көрүүнү ыытыы боппуруоһун киллэрэри былаанныыр. Бу туһунан ТАСС иһитиннэрэр.

Эрдэ Федерация Сэбиэтэ паллиативнай көмөнү оҥоруу туһунан сокуону өйөөбүтэ. Бу сокуон “Арассыыйа олохтоохторун доруобуйатын харыстааһын олугун туһунан” 323 федеральнай сокуоҥҥа көннөрүүлэри киллэриини көрөр. Ол түмүгэр эмтэммэт ыарыылаах дьоҥҥо көмөнү оҥоруу тупсуо.

Маны таһынан, “Доруобуйа харыстабыла” уонна  “Демография” национальнай бырайыактары олоххо киллэриини кытта сибээстээх уларыйыылар туһунан этии киирэр. Ол быһыытынан, диспансеризация иитинэн сэрэтэр көрүүнү ыытарга үп кээмэйин уонна ороскуотун нуормата туспа киириэ.

2024 сылга Арассыыйа олохтооҕун 70 бырыһыана сыллата сэрэтэр көрүүнү барыахтаах. Итини тэҥэ барылга искэҥ ыарыылаахтарга мэдисиинэ көмөтүн оҥоруу хаачыстыбатыгар уонна бастакы медико-санитарнай көмөнү сайыннарыыга ирдэбил кэҥиэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

12 − 1 =

ЛЕНТА НОВОСТЕЙ