Сунтаар эдэр фермерэ дьөһөгөй оҕолорун атын улуустан аҕалан дьиэтитэр (ВИДЕО)

Комментарии Экономика и сельское хозяйство

Поделиться:

NVK-ONLINE.RU – Сунтаар улууһугар сылгы иитэр хаһаайыстыбалар элбэхтэр. Кэмпэндээйигэ саҥа тутуллубут«Сооруос» сылгы базатыгар кэлии дьөһөгөй оҕолорун дьиэтитэллэр.

Уруккута сопхуостар от бөҕөтүн оттообут, сүөһү-сылгы иҥэрсийэ сырсыбыт “Сооруос” от үрэҕэ иккистээн тилиннэ. Кэмпэндээйи олохтооҕо Владимир Семенов былырыын “Саҥа саҕалааччы фермер” тосхолунан балтараа мөлүйүөннээх грант ылбытын табыгастаахтык туһанна: Чурапчыттан, Ньурбаттан дьөһөгөй оҕолорун атыылаһан, дьиэтитэн турар.

Сунтаарга бастакы «Кырбый уйата» турбаза хаһаайына Виктор Иванов манна биригэдьиирдиир, кини уран көрүүтэ, уус илиитэ сыстыбыта биллэр – сылгы базата олус тупсаҕай көстүүлээх, эбийиэгэ барыта сиппит.

Күүкэй эдэр фермерэ Петр Федоров былырыын граҥҥа тиксэн, сылгы хаһаайыстыбатын тэринэн үлэлии сылдьар. “Сооруоска” кэлэн, элбэҕи биллэ-көрдө, үлэһиттэр сүбэлэрин иһиттэ.

Ыраах сиртэн кэлбит дьөһөгөй оҕолоро этэҥҥэ сылдьан, олоҥхо дойдутугар сылгы төрдө буоллуннар.



Поделиться:




Добавить комментарий

Ваш e-mail не будет опубликован. Обязательные поля помечены *

12 − 1 =

ЛЕНТА НОВОСТЕЙ