Сунтаар оҕолоро анимационнай мультиктары оҥороллор

Комментарии Общество и политика

Поделиться:

НВК САХА – Билигин компьютернай технология сайдан турар кэмигэр оҕолор элбэҕи тобулаллар. Ол курдук Сунтаарга оннооҕор анимационнай мультиктары оҥороллор.

Мультик дьоруойдарын хайдах оҥоруохха? Уруһуйдаан, пластилинынан эллээн, араас матырыйаалынан кырыйыахха сөп.

Ол курдук Сунтаардааҕы политехническай лицей үөрэнээччитэ Ира Константинова дьоруойдарын туоһунан оҥорор. Кини салайааччыларын кытта Сунтаар сирэ хайдах төрүттэммитин туһунан номоххо олоҕуран, мультипликационнай киинэни оҥорон, киэҥ эйгэҕэ таһаарбыт.

“Дьон эскиһин, хамсаныыларын барытын эрдэттэн толкуйдуохха наада. Барытын туоһунан оҥоробут”, – диэн Ира кэпсээтэ.

Оттон Бордоҥнооҕу оҕо уһуйаанын иитиллээччитэ 3 саастаах кырачаан Дьулуур Леонтьев пластилинынан араас фигуркалары оҥорорун сөбүлүүр. Төрөппүттэрэ кини дьоҕурун бэлиэтии көрөн, пластилинынан “Мааса уонна Эһэ Миисэ” мультигы оҥорбуттар.

Олус интэриэһинэй хартыыналары видеоҕа устан, монтажтаан, бүтүн анимационнай мультик буолан тахсыбыт. Көрүөххэ олус үчүгэй. Маннык дьарык оҕо аныгы технологиялары баһылыырыгар сатабылы иҥэрэр, эргиччи сайыннарар.

“Билиҥҥи оҕолор олус сайдыылаахтар. Оҕолор бары блогер буолуохтарын баҕараллар. Ол иһин бу курдук мультик оҥорон сайдаллар. Мультиктарбытын сахалыы тылынан эрэ буолбакка, омук тылынан эмиэ оҥорбуппут”, – диэтэ мультипликационнай киинэни оҥорор бырайыак ааптара Сардаана Никитина. 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шестнадцать − 9 =

ЛЕНТА НОВОСТЕЙ