Сунтаар түөлбэнэн түмсүүтэ 2 мөл 750 тыһыынча солкуобай грант ылан, нэһилиэги тупсарарга үлэлэһэр

Комментарии Общество и политика

Поделиться:

НВК САХА – Сунтаар оройуонун түөлбэнэн түмсүүлэрэ республикатааҕы күрэххэ кыттан 2 мөл 700 тыһыынча суммалаах грант ыллылар.

«Туску» түөлбэ олохтоохторо үлэ дьонун скверин бэйэлэрин күүстэринэн оҥорбуттара. Саҥардыы, чөлүгэр түһэрии, ыраастааһын үлэтигэр кыралыын-улаханныын бары кытталлар.

«Биһиги түөлбэнэн грант ыларга кыттаммыт, оҕолорбутугар оонньуур площадка оҥорорго үлэлэһэбит», – диир «Туску» түөлбэ салайааччыта Валентина Аммосова.

Республика үрдүнэн юридическай сирэй быһыытынан регистрациялаах 15 түөлбэ баарыттан биэһэ Сунтаарга баар.

«Былырыын биһиги 500 тыһыынчалаах грант ылбыппыт. Быйыл эмиэ бары ирдэнэр дөкүмүөннэрбитин, отчуоттарбытын көмүскээн туран, 2 мөл 750  тыһыынчалаах грант ыллыбыт. ТОС-тар киирэн, бырайыактарын көмүскүөхтэрэ», – диэтэ оройуон баһылыгын солбуйааччыта Ульяна Попова.

Икки тыһыынчаттан тахса олохтоох «Сомоҕо» түөлбэ актыыба граҥҥа киирсэр бырайыактарын олохтоохтору уонна депутаттарын кытта сүбэлэстилэр.

Көхтөөх олохтоох, үлэлээх дьону бэлиэтииргэ оройуоҥҥа анал бэлиэ олохтонно. Бастакы нүөмэринэн наҕарааданы биллэр актыбыыс Альбина Прокопьева тутта.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

10 − 9 =

ЛЕНТА НОВОСТЕЙ