Сунтаарга саҥа микрорайон туталлар

Комментарии Общество и политика

Просмотров: 27

НВК САХА – Сунтаар нэһилиэгин Эргэ Ыылааҕар бу аҕыйах сыллааҕыта диэри олохтоохтор сынньанар сирдэрэ этэ. Билигин бу кэрэ көстүүлээх сир элбэх оҕололоох ыалларга бэриллэн, Саха сиригэр автономия тэриллибитэ 100 сылын бэлиэтиир бүтүн түөлбэ буолла. Саҥа түөлбэни сайыннарар сыалтан Сунтаар нэһилиэгэ уонна тыа хаһаайыстыбата үлэлэһэн, “Саха өрөспүүблүкэтигэр тыа сирин территорияларын бигэтик сайыннарыы” федеральнай программатыгар киллэрэн, араас үлэ барар. Ол курдук 100 уһаайбаҕа 167 мөлүйүөн көрүллэн, тиэндэри “Сунтарэнерго” тэрилтэ кыайан үлэни ыытар.

Быйыл түөлбэ уота тардыллан, суола оҥоһуллан, сайыҥҥы уус ситимэ олохтонон, уулуссалар уоттара холбонон, сүүс күрүөлэр тутуллан бүтүөхтээтэхтэр. Бу күрүөлэр түгэҕэ икки миэтэрэҕэ дылы хаһыллыахтаахтарыттан саҕалаан, от күөх өҥнөөх профлиһынан киэргэнэн биир моһуоннаах буолуохтаахтар. Үлэ хаамыытын, күтүөт уол Николай Кычкин хонтуруоллаан – күнү былдьаһа элбэх үлэни ыытар.

Салҕыы уулусалар барыта бетонкаланыахтара, тратуардар баар буолуохтара, маны кытта бэлэм оҕо былаһаакката туруоҕа.



Добавить комментарий

Ваш e-mail не будет опубликован. Обязательные поля помечены *

четыре × 2 =