Сунтаарга сылгыһыт биир сырыыга түөрт адьырҕаны бултаата

Комментарии Общество и политика

Поделиться:

НВК САХА – Сунтаарга сылгыһыт биир сырыыга түөрт бөрөнү бултаата диэн “Саха” НКИХ иһитиннэрэр.

Адьырҕа кыыл билигин аччык сылдьар кэмигэр дьоҥҥо-сэргэҕэ, сүөһүгэ-сылгыга кутталы үөскэтэр. Бөрөнү бултуурга Сунтаарга тоҕус биригээдэ тэриллэн үлэлиир. Билигин уопсайа 20 бөрөнү бултаатылар. Республика уонна улуус үбүлээһининэн биир бөрө сыаната 40 тыһыынчаҕа тэҥнэһэр.

Тэҥкэҕэ Павел Игнатьев биэс бөрөлөөх ийэ ууһун суоллаан, икки күн бултаһан, түөрт тыһытын өлөрдө. Бу нэһилиэккэ сыл ахсын бөрөлөр мэнээктииллэр. Быйыл икки сылгыны тартылар.

Павел куоракка биллэр кырыылыыр тэрилтэҕэ маастартан саҕалаан салайааччыга тиийэ үлэлээбитэ. Дойдута тардан, тыа сиригэр олохсуйа кэлэн, иллэрээ сыл 1,5 мөл граны ылбыта. Билигин кини хаһаайыстыбатыгар икки базанан турар 50 сылгылаах. Эдэр киһи адьырҕаны бултаһыы бэйэтэ туспа сиэрдээх диэн этэр.

“Мин хаһаайыстыбалаах буоламмын бөрөнү бултуурга дьаһаммытым. Бөрө – олус өйдөөх, киитэрэй кыыл. Онон бултаһарга уустук“, – диэн Павел кэпсиир.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × четыре =

ЛЕНТА НОВОСТЕЙ