Суобаһа суох тутааччыларга албыннаппыт дьону өйүүргэ 11 мөл солк тахса үп көрүлүннэ

Комментарии Общество и политика

Поделиться:

НВК САХА – 2018 сылга суобаһа суох тутааччыларга албыннаппыт дьону өйүүр судаарыстыбаннай көмө тэрээһинигэр өрөспүүбүлүкэ бүддьүөтүгэр 11 мөлүйүөнтэн тахса солкуобай үп көрүлүннэ. Бу туһунан дойду тутууга уонна олох-дьаһах коммунальнай хаһаайыстыбатыгар миниистирин солбуйааччы Никита Стасишин мунньаҕар иһитиннэрдилэр.

“Кыһалҕалаах эбийиэктэри тутуу үлэтэ хонтуруолланыахтаах уонна бэрэбиэркэлэниэхтээх. Бу боппуруос дойду президенин Владимир Путин тус хонтуруолугар турар”, – диэн эттэ.

Бүгүҥҥү туругунан, Саха сиригэр 9 кыһалҕалаах эбийиэк уонна өлүүлээн тутууга албыннаппыттар испииһэктэригэр 144 киһи баар.

Миниистири солбуйааччы иһитиннэрбитинэн, 2018 сылга икки кыһалҕалаах эбийиэк тутуута түмүктэниэхтээх, бу урут “Макрос” ХЭТ тутан испит Чурапчы сэлиэнньэтигэр баар икки 4 кыбартыыралаах дьиэлэрэ. Маны таһынан олорор дьиэ-тутуу кээпэрэтииптэрин тэрийии былааннанар. Билигин тутуу үлэтин түмүктүүргэ смета сыаната чопчуланар.

Саха сиригэр Ил Дархан Егор Борисов быһаарыытынан тэриллибит кыһалҕалаах эбийиэктэри тутууга уонна албыннаппыт дьоҥҥо көмөлөһөр биэдэмистибэлэр икки ардыларынааҕы оробуочай бөлөх үлэлиир. Бу хамыыһыйа үлэтин чэрчитинэн 2017 сыллаахха сэттэ кыһалҕалаах эбийиэк тутуута түмүктэннэ, 226 албыннаппыт дьон бырааба сөргүтүлүннэ. -яв//кс

Источник: сайт телеканала «Якутия 24».

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

19 − семь =

ЛЕНТА НОВОСТЕЙ