Суорун Омоллоон аатынан түмэл Таатта киинигэр көһөн үлэлээтэ

Комментарии Спорт и культура

Просмотров: 22

НВК САХА – Саха саарына, норуот суруйааччыта, Социалистическай Үлэ Геройа, Саха АССР искусствотын үтүөлээх деятеля Дмитрий Кононович Сивцев – Суорун Омоллоон саха олоҕун, сайдан кэлбит устуоруйатын кэрэһэлиир түмэллэрэ күн бүгүн таһаарыылаахтык үлэлии туруллар. Ытык киһи төрөөбүт күнүгэр Тааттаҕа кыраайы үөрэтэр музей тэриллэн үлэтин саҕалаата.

Суорун Омоллоон 40 сыл аннараа өттүгэр Чөркөөххө аһаҕас халлаан анныгарр норуот күүһүнэн тэрийбит түмэлэ бу күн улуус киинин олохтоохторугар сэргэх быыстапканы тэрийдэ.
Ытык Күөлгэ кыраайы үөрэтэр музей 1941 сыллаахха тэриллэн үлэтин саҕалаабыта. Ол эрэн, олох очурдарыттан 2003 сыллаахха түмэл үлэтэ тохтообут.

Саха Саарына Суорун Омоллоон төрөөбүтэ 111 сылын туолар бэлиэ күнүгэр ытык Таатта улууһун баай, дириҥ устуоруйатын сырдатар, кэлэр көлүөнэ ыччакка тиэрдэр соруктаах кыраайы үөрэтэр түмэл иккис тыынын ылан, үлэтин саҕалаата.

Кэм-кэрдии кэрэһиттэрин, сэдэх экспонаттары олохтоохтор, кэлбит ыалдьыттар түмэлгэ бэлэх ууннулар, түмэл ис хоһоонун кэҥэтэргэ бар дьон кыттыһарыгар көҕүлээтилэр.



Добавить комментарий

Ваш e-mail не будет опубликован. Обязательные поля помечены *

три × пять =