Сыл саҕаланыаҕыттан Россияҕа 61 үп-харчы пирамидатын булбуттар

Комментарии Криминал и происшествие

Поделиться:

НВК САХА – Сыл саҕаланыаҕыттан Россия Баана дойду үрдүнэн 61 үп-харчы пирамидатын булбут. Бу туһунан “Известия” иһитиннэрэр.

“2019 сыл маҥнайгы кыбаарталыгар Киин баан үп-харчы пирамидатыгар маарынныыр 61 тэрилтэни булла. Олортон улахан аҥаара (31 тэрилтэ) хааччахтаммыт эппиэтинэстээх уопсастыба (ХЭУо) быһыытынан суруттарбыттар. 10 хампаанньа – интэриниэт-бырайыак быһыытынан, олортон үһэ атын омук, тоҕус хампаанньа үп-харчы үнүстүүтүн курдук саптан олорбуттар”, – диэн Киин баан департаменын баһылыга Валерий Лях кэпсээтэ.

Кини этэринэн, Россия киин өттүгэр – 19, Уралга 11 пирамида баара бэлиэтэммит. Бу хампаанньалар үгүстэрэ үлэлээбиттэрэ сыл да буола илик эбит.

Түөкүннэр үксүгэр лизинг хампаанньатынан, үлэлээбэккэ эрэ элбэх дохуоттаах бырайыактарга харчы угарынан, холобур, криптовалютанан дьарыктанар курдук тутталлар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × 2 =

ЛЕНТА НОВОСТЕЙ