Сыырдаах кыһыҥҥы теплицатын помидорун Дьокуускай оҕо уһуйаанын иитиллээччилэрэ амсайдылар (ВИДЕО)

Комментарии Общество и политика

Просмотров: 19

NVK-ONLINE.RU – Бу күһүн Сыырдаахха японецтар технологияларынан тутуллубут теплицаҕа олорпут помидордара номнуо ситэн, нэһилиэнньэҕэ атыыга тахсыбыта. Маны сэргэ ахсынньы 11 күнүгэр бастакы партия оҕо уһуйааныгар тиийдэ. Бэйэбит сирбитигэр-уоппутугар буспут оҕуруот аһын бастакынан «Кустук» уһуйаан иитиллээччилэрэ боруобалаатылар.

Дуогабар быһыытынан Дьокуускайга 37 оҕо уһуйаана кыһыннары теплицаҕа буспут помидору амсайыа.

Бу күһүн японецтар технологияларынан тутулубут теплицаҕа 1400 угу олордубуттара. Саҥа дьылга 850 кг ыллылар. Теплица иһигэр 23 кыраадыс сылаас, уута-хаара суукка устата тохтоло суох кутуллар буолан, оҕуруот аһа эттээх-сииннээх, дьиэ помидоруттан итэҕэһэ суох минньигэс диэн номнуо нэһилиэнньэ сыаналаан турар. Аны мантан ыла кырачааннар боруобалыахтара.

Меню быһыытынан нэдиэлэҕэ иккитэ-үстэ хайаан да сибиэһэй оҕуруот аһа, фрукта көрүллэр. Маныаха кыһыҥҥы кэмҥэ тас дойдуттан киирбит помидор буолбакка, бэйэлээх бэйэбит сирбитигэр көрөн-харайан олордубут, бүөбэйдээн улаатыннарбыт аһылыкпыт быдан иҥэмтиэлээх буолара саарбаҕа суох.

Инникитин үөрэх кыһаларыттан баҕа баар буоллаҕына Саюри тэрилтэ дуогабар оҥорсон үлэлэһэргэ бэлэм. Билиҥҥитэ помидор үүнүүтэ үчүгэй. Бу саҕалааһын эрэ, сыл иһигэр биирдии квадратнай миэтирэ иэнтэн 45-50 кг аһылык кэлиэҕэ диэн салайааччы Дмитрий Захаров иһитиннэрэр.

 



Добавить комментарий

Ваш e-mail не будет опубликован. Обязательные поля помечены *