Таҥара Кыыһа Туску: Хас биирдии тыл күүстээх

Комментарии От редакции, Сэһэн сирэ

Поделиться:

НВК САХА – “Сэһэн сирэ” биэриигэ Нам олохтооҕо, алгысчыт Екатерина Павлова – Таҥара Кыыһа Туску ыалдьыттаата.

Екатерина кэпсээбитинэн, урут аҕата сыыһа-халты туттан, улахан киһиттэн куһаҕан тыыннаах тыл тиийбит. Ону оҕолоругар, ыччатыгар ыытымаары, өйүн-санаатын наар онно сынньар буолан хаалбыт. Оннук соһуччу Клавдия Ильинична – Сайыынаҕа тиийэн дьарыктаммыт, онно арыллан, айылҕабыт, эйгэбит тыыннаах эбит диэн өйдөөбүт. Ол курдук ханнык эрэ кэмҥэ киһи арыллыахтаах диир. Ол бириэмэтэ кэллэҕинэ, бэйэтин суола арыллан иһэр эбит.

“Бу тыыннаах эйгэ биһиги эйгэбитин кытта бииргэ алтыһар, күүс-көмө буолар, арчылыыр-араҥаччылыыр айылгылаах. Ону Үрдүкү Айыылар салайаллар эбит. Биһиги урут чараас эйгэ диэн тугун өйдөөбөт да, билбэт да эбиппит. Кэргэммиттэн ыйытабын: “Биһиги бу урут ханна сылдьыбыппытый? Тас хахпыт эрэ сылдьыбыт эбит”. Чараас эйгэ биһигини кытта алтыһар, истэр, күүс-көмө буолар. Сырдык эйгэни кытта хараҥа эмиэ баар буолар”, – диир Таҥара Кыыһа Туску.

Ол курдук киһи бу орто дойдуга төрүүрүгэр үөһэттэн ыйаахтаах кэлэр эбит. Оттон киһи өйө-санаата төһөнөн ыраас, сырдык эйгэлээх даҕаны, тулалыыр эйгэтэ эмиэ оннук буолар. Ол эйгэни бэйэтигэр көмөлөһүннэрэр.

“Киһи диэн наһаа уустук, бүтүннүү энергия эбит. Мин үөрэппит сылларбар биир кыыс көрбүөччү быһыытынан арыллыбыта. Кинилиин дьиэбититтэн иккиэн үлэлиир этибит, ханна баҕар тиийэрбит. Онно туох үлэ барыахтааҕын гынарбыт, ыраастыырбыт”, – диэн Екатерина кэпсиир.

Екатерина этэринэн, киһи өйүнэн-санаатынан салайтаран, бэйэтин олоҕун тутар. Онон олохпутун бэйэбит салайыахпытын сөп. Онно тулалыыр эйгэбит тэбис-тэҥҥэ үлэлэһэр. Өйбүт-санаабыт хайдах сайдыылаах даҕаны, энергиябыт эмиэ оннук. Тылбыт санаабытын кытта биир буолар.

“Тыл күүстээх. Хас биирдии тыл туспа бэрээдэгинэн, сокуонунан үлэлиир. Холобур, сахалар, хайгаары гыннахпытына, бастаан алдьатыы тылын туттабыт: “Алдьархай үчүгэй, ынырык үчүгэй, иэдээн үчүгэй”, – дииллэр. Онтукабыт туспа энергиялаах, ол хайгаан эппит объекпытыгар бастакынан куһаҕан айылгылаах тылбыт саба түһэр. Ол эрэ кэннэ эппит үчүгэй тылбыт тиийэр. Сорох тыллар күн курдук сандаара сылдьаллар. Оттон үөхсүү тыллар диэн сүлүһүннээх тыллар. Олорбут саккырыы-саккырыы маатыралаабыт объекпытыгар силлээбит курдук баран түһэллэр, киһи эйгэтин бүтүннүү киртитэн кэбиһэллэр. Дьиэ иһигэр маатыра-куутура тыллара айдааны тардар куһаҕан энергияҕа кубулуйаллар. Манна энергия мөлтөх буолар, дьоно ыарыһах буолуохтарын сөп”, – диэн Екатерина – Таҥара Кыыһа Туску кэпсээтэ.

Салгыы “Сэһэн сирэ” биэриигэ көрүҥ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

тринадцать + 16 =

ЛЕНТА НОВОСТЕЙ