Тааттаҕа Харбалаах уонна Чымынаайы сэлиэнньэлэрэ ууга олороллор

Комментарии Общество и политика

Поделиться:

НВК САХА – Таатта оройуонугар Харбалаах уонна Чымынаайы сэлиэнньэлэрэ ууга олороллор. 489 киһи (ол иһигэр 110 оҕо) олорор 42 дьиэтин (126 киһи, ол иһигэр 37 оҕо олорор) 216 тэлгэһэни уу ылбыта. Бу туһунан дойду ыксаллаах быһыыга-майгыга министиэристибэтин Саха сиринээҕи пресс-сулууспата иһитиннэрэр.

Онуоха Амма өрүс мууһа тамаҕар таҕыста. Бу күннэргэ уу түһэрэ күүтүллэр, онон тэлгэһэлэр, дьиэлэр ууттан босхолонуохтара.

Пресс-сулууспаҕа бэлиэтээбиттэринэн, суукка иһигэр Чурапчы Мырылата уонна Таатта Даайа Аммата ууттан босхолоннулар.

Харбалаахха 189 киһи (ол иһигэр 56 оҕо) олорор уһаайбалара ууга тураллар, 78 киһи (ол иһигэр 22 оҕо) олорор дьиэлэр ууга турар. Ууга барбыт дьон быстах кэмҥэ олорор пууҥҥа барартан аккаастаммыттар, билигин аймахтарыгар, билэр дьонноругар олороллор.

Чымынаайыга 300 киһи (ол иһигэр 54 оҕо) олорор 152 уһаайбаларын уу ылбыта. 48 киһи (ол иһигэр 15 оҕо) олорор 16 дьиэлэрэ ууга барбыта. Ууга барбыт дьон быстах кэмҥэ олорор пууҥҥа барартан аккаастаммыттар, билигин аймахтарыгар, билэр дьонноругар олороллор.

“1472 киһини быстах кэмҥэ олордор 8 пуун үлэлииргэ бэлэм. Билигин маннык пууннар аһынан-үөлүнэн, эминэн-томунан, наадалаах малынан-салынан толору хааччыллан олороллор. Нэһилиэнньэҕэ аадырыстаммыт наадалаах көмө оҥоһуллар. Быстах кэмҥэ олорор пуун үлэлиир кэмигэр уопсастыбаннай бэрээдэги көрүөхтэрэ, уйулҕа уонна медицина үлэһиттэрэ дьуһуурустуба олохтуохтара”, – диэн иһитиннэриигэ чопчуланар.-яв//кс

 

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четырнадцать − 11 =

ЛЕНТА НОВОСТЕЙ