Таатта Даайа Амматыгар мороженай оҥорон атыылыыллар

Комментарии Экономика и сельское хозяйство

Поделиться:

НВК САХА –  Таатта улууһун Даайа Амматын олохтооҕо Петр Белолюбскай ыаммыт үүтүнэн мороженай оҥорор уонна нэһилиэгэр хамаҕатык атыылыыр. Сөбүгэр сыаналаах уонна минньигэс бэйэ оҥоһуу мороженайын дьоҥҥо амсатаары, тэрээһин ыыттылар.

Дьон сөбүлээн сылдьар маҕаһыыныгар “Даайа Амма мороженайа” диэн сурук тута болҕомто киинигэр киирэн, уочарат үөскүү охсор. Ордук оҕолор дьоллоохтор. “Наһаа үчүгэй амтаннаах, дьиҥнээх мороженай!”, – дэһэллэр.

Петр Белолюбскай бу мороженайын үс сылтан бэттэх оҥорон атыылыыр. Билиҥҥитэ биир үлэһиттээх. Өссө кыаҕын ылара буоллар, бородууксуйатын элбэтэн, атыытын көдьүүһэ улаатыа эбит.

“Былырыыҥҥыттан син маҕаһыыннарынан тарҕаттыбыт. Куорат сорох маҕаһыыннарыгар эмиэ атыылаан эрэбит. Сотору атахпытыгар туран, сыах аһыллыахтаах”, – диэтэ Петр. 

Петр бары толкуйун, торумун төрөппүттэрэ өйүүллэр. Бүгүн эмиэ сүр тиэтэлинэн түбүгүн быһаара айаннаабыт күнүгэр аҕата ынахтарын, сылгыларын көрө хаалбыт. 2002 сылтан манна, Даайаҕа, дьиэ-уот атыылаһан, сүөһү-ас тутан, билигин бааһынай хаһаайыстыбалаахтар. Онон үрүҥ илгэни үрүлүтэн, ону сыа-сым курдук тутан, мороженай куталлар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шесть + два =

ЛЕНТА НОВОСТЕЙ