Таатта Харбалааҕар харчы устар терминал үлэлээбэтэ кыһалҕаны үөскэтэр

Комментарии Общество и политика

Поделиться:

НВК САХА – Таатта оройуонун Харбалаах бөһүөлэгэр, барыллаан ааҕыынан, бу халааҥҥа 82 тэлгэһэ уонна 54 олорор дьиэ ууга былдьанна. Билигин уу таһыма 1038 см тэҥнэһэр. Уу кыралаан түһэр. Бу күннэргэ биир сүрүн кыһалҕанан – Харбалаахха харчы устар терминаллар үлэлээбэттэрэ буолар.

Билигин Харбалаахха эрдэттэн үлэһэн эрэ тиийэҕин. Кыһалҕалаах дьону аралдьытан, мотордаах оҥочону булар эмиэ туспа түбүк. Аны заправка ууга барар куттала үөскээн, икки күн убаҕас оттуга суох олорбуттар. Хаһааммыттарын иһин, барыта ааҕыллан, суоттанан, бензин кырыымчык. Маннык күчүмэҕэйгэ өссө биир кыһалҕа үгүс үлэһити аймыыр – харчылаах эрээри, хамнастарын устар кыахтара суох.

Уу кыралаан түһэн, олохтоохтор син өрө тыыммыттар. Төрдүһүн дьиэтин ууга былдьаппыт Любовь Петровна, уу кэнниттэн куурдуу, чөлүгэр түһэрии түбүгүн санаатаҕына, сүрэҕэ ытырыктатар. Олох соҕотох сосуһуоҕун, күтүөтүн аҕата Берли Искаков күүс көмө, өйөбүл буолар. Бүгүн эмиэ түөһүгэр диэри тымныы ууну аахсыбакка, устан барбыт теплицаны оннугар булларан, баайбыт.

Дария Власова эмиэ айманыан айманар. 1996 сыллаахха туттан киирбит дьиэлэрэ түөрт төгүл ууга барбыт. Ол тухары уһун сайыны быһа ыраастаныы, куурдуу сүпсүлгэнэ. Аҥаардас хаалбыт киһиэхэ сыл аайы ыараан иһэр диэн сонньуйар.

Уу таһаарбыт хоромньутун туоратыы олохтоохтортон өссө улахан тулууру, сомоҕо күүһү эрэйэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре × два =

ЛЕНТА НОВОСТЕЙ