Таатта уһуйаан кырачааннара дуобат турнирыгар күөн көрүстүлэр

Комментарии Спорт и культура

Поделиться:

НВК САХА – Тааттаҕа СӨ үтүөлээх ветеринар бырааһа, дуобакка спорт маастарыгар кандидат Николай Пестерев кэриэһигэр оҕолорго дуобакка аһаҕас турнир ыытылынна. Манна уһуйаан саастаах оҕолортон саҕалаан 122 эдэр дуобатчыт кытынна.

Аҕас-балыс Алиса, Любушка Игнатьевалар түөрт саастарыттан дуобаттыыллар. Ийэлэрэ маастарга кандидат Любовь Захарова такайыытынан, бу оонньууну сэҥээрэн Чурапчынан, Дьокуускайынан күрэхтэспит, бэлиэр кыайыы, хотторуу амтанын билбит дьон.

Күрэхтэһиигэ бары кэриэтэ нэһилиэктэртэн итиэннэ ыаллыы Чурапчыттан кэлэн, тыҥааһын улахан буолла. Оҕолору кытта иитээччилэр, төрөппүттэр тэбис-тэҥҥэ долгуйдулар. Оҕо спортивнай оскуолатыгар үһүс сылын дуобакка эрчийэр Наталья Шестакова бу спорт көрүҥун биһириир оҕо элбэҕин бэлиэтиир.

«Төрдүс кылааска үөрэнэр дьарыктанар уолбун кытта Сочига баран күрэхтэһэн кэлбиппит, республика турнирдарыгар куруук ситиһиилээхтик кыттар», – диир дуобакка Россия спордун маастара, оҕо спортивнай оскуолатын тренерэ Наталья Шестакова.

Мындыр өй, тобуллаҕас толкуй түһүлгэтэ бу курдук сылтан сыл кыттааччыта элбээн, далааһына, хамсааһына кэҥиир, тэнийэр.  –ай//кс

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать + шестнадцать =

ЛЕНТА НОВОСТЕЙ