Таатта ыччата бырамыысыланнаска тардыһар

Комментарии Общество и политика

Поделиться:

НВК САХА – Муус устар ыйга Таатта улуу­һугар «Олохтоох нэһилиэнньэни – бырамыысыланнаска» бырайыак иитинэн бөдөҥ тэрилтэлэр бэрэстэбиитэллэрэ кыттыылаах үлэ дьаарбаҥката буолан ааста диэн улуус баһылыгын социальнай эйгэҕэ солбуйааччыта Изабелла Сивцева иһитиннэрдэ.

«Бу бөлөҕү СӨ нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлин солбуйааччыта Гаврил Харлампьев салайан аҕалла. Кинини кытта «Якутуголь» АУо, «Эльгауголь» ХЭТ, «Полюс Алдана» АУо, «Алроса» АУо, «Золото Селигдара» курдук бөдөҥ тэрилтэлэр каадыры кытта үлэлиир исписэлиистэрэ кэлэн үлэлээтилэр. Кинилэр бастаан нэһилиэктэр баһылыктарын кытта көрсөн, сыалларын-соруктарын кэпсээтилэр», — диэн Изабелла Сивцева кэпсиир.

Бу күҥҥэ бырамыысыланнас  тэрилтэлэригэр туох идэлээх үлэһиттэр ирдэнэллэрин иһитиннэрии оҥордулар. Холобур, Нерюнгрига «Якутуголь», «Эльгауголь» чоҕу хостуур тэрилтэлэргэ Е, В, «Допог» категориялаах, автогрейдер суоппардара, весовщик, массыына өрөмүөннүүр слесарь, токарь, взрывник, электрослесарь, электрогазосварщик, энергетик, о.д.а. идэлээхтэри үлэҕэ ыҥыраллар.

Мииринэйгэ «Алросалар» бульдозер, автогрейдер, экскаватор идэлээхтэргэ ордук наадыйаллар эбит. Бу тэрилтэлэр бары үлэһиттэр аһылыктарын, социальнай өттүнэн хааччыллыыларын мэктиэлиибит дииллэр.

Үлэ дьаарбаҥкатыгар барыта 46 үлэ көрдөөччү сырытта. Холобур, Дьохсоҕонтон – сэттэ , Чычымахтан түөрт үлэ көрдүүр дьон кэлэ сырыттылар. Бу миэстэтигэр утарыта көрсөн олорон кэпсэтии түмүгэр 19 үлэ көрдүүр дьон тута дөкүмүөннэрин туттаран, ыҥырыы кэтэһэллэр.

Оттон бөдөҥ тэрилтэлэргэ үлэлии барыан баҕалаахтары, ол гынан баран ирдэнэр идэҕэ эппиэттээ­бэт эбэтэр квалификацията суох дьону нэһилиэнньэ дьарыктаах буолуутун киинин нөҥүө кылгас болдьохтоох үөрэхтэргэ ыытарга 12 киһи суруттарда. Бу хайысханан үлэ салгыы барар. Маны таһынан, саҥа үөрэҕи бүтэрбит эдэр исписэлиистэри стажировка бырагырааматынан наставник анатан үлэҕэ ыыталыыллар.

Бүгүҥҥү күҥҥэ аҥардас Таатта улуу­һуттан өрөспүүбүлүкэ бырамыысыланнаһын  тэрилтэлэригэр 15 киһи вахтанан үлэлии сылдьар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двадцать − три =

ЛЕНТА НОВОСТЕЙ