Бырабыыталыстыба оҕо сайыҥҥы сынньалаҥар ыстаадаҕа үлэлиир кыаҕын олохтоото

Комментарии Экономика и сельское хозяйство

Поделиться:

НВК САХА – Муус устар 24 күнүгэр бырабыыталыстыба мунньаҕар өрөспүүбүлүкэ бүддьүөтүттэн табаһыттар хаһаайыстыбаларыгар 14-тэн 18-гар диэри саастаах оҕолор сайыҥҥы сынньалаҥнарыгар субсидия көрүллэр бэрээдэгин бигэргэттилэр. Бу туһунан бырабыыталыстыба пресс-сулууспата иһитиннэрэр.

Ол эбэтэр, оҕо сайынын ыстаадаҕа тахсан үлэлээн хамнас аахсар кыаҕын олохтууллар. Оҕолор табаһытынан уонна чуум үлэһитин көмөлөһөөччүтүнэн үлэлиэхтэрин сөп диэн этэллэр. Субсидия кээмэйин оройуон коэффициенын ааҕан туран, федеральнай сокуонунан бигэргэммит хамнас алын кээмэйиттэн уонна оҕо сааһыттан аттаран суоттаан таһаарбыттар.

Үлэ кодексыгар олоҕуран, сокуоннай сааһын туола илик оҕону үлэлэтиигэ кэккэ ирдэбиллэр бааллар. Ол курдук, 14-16 саастаах оҕо 4,8 чаастан ордук үлэлиэ суохтаах (5 үлэ күннээх буоллаҕына). Оттон 16-18 саастаах оҕо 7 чаастан ордук үлэлиэ суохтаах диэн этэллэр. Онон оҕо ыйга 10-20 тыһыынча солкуобай хамнаһы аахсыан сөп дииллэр. СӨ Нэһилиэнньэ дьарыктаах буолууга судаарыстыбаннай кэмитиэтин бэрэссэдээтэлин солбуйааччы Гаврил Харлампьев иһитиннэрбитинэн, былырыын тустаах бырайыагынан 218 оҕону хаппыттар. Быйыл эмиэ 200-тэн тахса оҕону үлэнэн хааччыйар былааннаахтар

Үбүнэн көмөнү юридическай сирэйдэр, биирдилээн урбаанньыттар ылыахтарын сөп. Субсидия үлэ төлөбүрүн алын кээмэйигэр тэҥнэһэр.

Көмөнү оҥоруу бэрээдэгин бигэргэтии 2019 сылга оҕолору сайыҥҥы сынньалаҥнарынан хааччыйыыга туһуланыа.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пятнадцать + 16 =

ЛЕНТА НОВОСТЕЙ