Табаһыттар хамнастарын үрдэтэргэ депутаттар программа ылыннылар (ВИДЕО)

Комментарии Главные новости, Экономика и сельское хозяйство

Просмотров: 25

NVK-ONLINE.RU – Ил Түмэн таһымыгар бүтэһик үс сыл тухары табаһыттар хамнастарын үрдэтиигэ, үлэлэрин, олохторун-дьаһахтарын тупсарыыга элбэх кэпсэтии, мунньахтар ыытыланнылар. Ити түмүгэр биир кэлим программа ылылынна.

Табаһыттар Саха Сиригэр билигин 4 зонанан арахсан, хоту дойду табыйар сыыдам атахтааҕын иитэллэр. Таба ахсаана кэлиҥҥи сылларга чөлүгэр түһэн эрэр диэн, идэлээхтэр бэлиэтииллэр.

Таба иитиитигэр диэн быйыл уопсайа, 600 мөлүйүөнтэн тахса солкуобай көрүллүбүт. Туйахтаах кыыл ахсааныттан тутулуга суох, идэлээхтэр бары 21 тыһыынча солкуобай хамнастаналлар. Сыл устата бырабыытылыстыба быһаарыытынан, учуонайдар табаһыттар хамнастарын кэтээн көрөн, төлөбүр ааҕыытыгар саҥа методиканы айдылар. Ол түмүгэр кэлэр сыллааҕы үбүлээһин, 228 мөлүйүөнүнэн үрдээтэ.

Аныгы табаһыт олох хаамыытынан, олох ирдииринэн саҥа технологияны баһылаабыт, үөрэхтээх, экономическай правовой боппуруостарга, бэйэтин тус олоҕун быһаарынар билиилээх буолуохтаах. Ол гынан баран бүтэһик үс сылга, хамнас боппуруоһугар охтуу баран хаалан, табаһыттарга сөптөөх усулуобуйа, база тэриллибэт.

Кэлэр сылтан хамнас ааҕыытыгар саҥа методика киирэн, хотугу уонна арктика улуустарыгар хамнас үрдээһинэ 30-тан тахса тыһыынчаҕа тиийиэ, онтон соҕуруу оройуоннар төрүт олоҕу тутууһааччыларын хамнастара, алын кээмэйтэн түһүө суоҕа диэн идэлээхтэр сабаҕалыыллар.



Добавить комментарий

Ваш e-mail не будет опубликован. Обязательные поля помечены *