Табаһыттар съезтэригэр Муоматтан 9 табаны аҕалан кытыннылар (ВИДЕО)

Комментарии Экономика и сельское хозяйство

Поделиться:

NVK-ONLINE.RU – Быйылгы табаһыттар съезтэригэр Муома улууһуттан 10 киһилээх делегация кыттыыны ылла. Кинилэр 9 табаны аҕалан, бары күрэхтэргэ, тэрээһиннэргэ улуус чиэһин көмүскээтилэр.

Муомаҕа  барыта 10 тахса тыһыынча таба баар. Дьиэ табатын 4 нэһилиэккэ иитэллэр. Ордук элбэх табалаах нэһилиэгинэн Улахан Чыыстай сэлиэнньэтэ буолар. Мантан табаһыттар съезтэригэр уопсайа 9 табаны массыынанан тиэйэн аҕаллылар. Улуус чиэһин бары тэрээһиннэргэ Громовтар дьиэ кэргэн көмүскээтилэр.

Улууска бу күннэргэ табаны ааҕыы, харааллааһын  саҕаланна. Бу ый бүтүүтэ үлэ барыта түмүктэниэхтээх. Сыллааҕы үлэ үгэнигэр сылдьар буолан, быйыл муомалар съезкэ аҕыйах буолан кэллилэр.

Съезд сүрүн түгэннэрин сэргэ Муома делегацията табаны иитиигэ, эбээн омугун үгэһин, тылын чөл хаалларарга, төрүт дьарыгы сайыннарарга бары таһымнаах аһаҕас кэпсэтиилэргэ кыттыыны ылла. Онон аҥаардас культурнай хайысханы сэргэ табаһыттар күннээҕи үлэлэригэр элбэх саҥаны биллилэр.

Муома табаһыттара бастакы күнтэн ыла бэйэлэрин кыахтарын көрдөрөн, күрэхтэргэ барытыгар көхтөөхтүк кытыннылар. Элбэҕи билэн-көрөн, үгүскэ үөрэнэн, өбүгэ саҕаттан илдьэ кэлбит үгэһи сайыннарарга күүстээхтик ылсар санаалаах дойдуларыгар айаннаатылар.



Поделиться:



Добавить комментарий

Ваш e-mail не будет опубликован. Обязательные поля помечены *

4 × 3 =

ЛЕНТА НОВОСТЕЙ