Тэлэбиидьэнньэни сыыппараҕа көһөрүү иккис түһүмэҕэ этэҥҥэ ааста

Комментарии Главные новости, Общество и политика

Поделиться:

НВК САХА – Аналоговай тэлэбиидьэнньэттэн  сыыппараҕа көһүү “иккис долгуҥҥа” хапсар 20 эрэгийиэҥҥэ этэҥҥэ ааста, өйдөммөт түгэн үөскээбэтэ. Бу туһунан сибээс миниистирин солбуйааччы Алексей Волин суруналыыстарга иһитиннэрдэ.

Бэнидиэнньиккэ сыыппаранан биэриигэ дойду 20 эрэгийиэнэ көстө. Волин эппитинэн, бары эрэгийиэҥҥэ 40 мөлүйүөн көрөөччүгэ сүбэ-ама, ыйыы-кэрдии биэрэр  суһал линия толору үлэлиир. Нэһилиэнньэҕэ 1400 оператор көмөлөһөр.

Тэлэбиидьэнньэни сыыппара нөҥүө биэрии “2009-2018 сылларга Арассыыйаҕа тэлэбиидьэнньэнэн уонна араадьыйанан биэриини сайыннарыы” тус сыаллаах федеральнай бырагырааманан олоххо киирэр. Бастакы уонна иккис мультиплекс киирэр федеральнай ханааллары аналог сигналыттан көһөрүү кыраапык быһыытынан үс түһүмэҕинэн барар.

Хаалбыт үһүс түһүмэх бэс ыйын 3 күнүгэр ыытыллар. Саха Өрөспүүбүлүкэтигэр ити күн тэлэбиидьэннэ аналогтан арахсан, сыыппараҕа көһүө.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

7 − пять =

ЛЕНТА НОВОСТЕЙ