Тиксиигэ байыаннай куорат тутуута 2019 сылга түмүктэниэ

Комментарии Общество и политика

Поделиться:

НВК САХА – Тиксиигэ Хотугу флот үөһэнэн көмүскүүр сэбилэниилээх күүстэрин (противовоздушная оборона, ПВО) байыаннай куоратын тутан быйыл бүтэриэхтэрэ. Бу туһунан РФ оборонатын миниистирин солбуйааччы, аармыйа генерала Дмитрий Булгаков иһитиннэрдэ.

“Быйыл Тикси бөһүөлэгэр байыаннай куораты тутан бүтэрэргэ былаанныыбыт”, – диэн Булгаков  “Аргументы и факты”таһаарыыга интервьютугар эттэ.

Кини бэлиэтээбитинэн, бу куорат 11 саҥа эбийиэктэн турар.

Хотугу флот командованиета иһитиннэрбитинэн, бу куорат Хотугу муоратааҕы суол үрдүнэн куттал суох буоларын хааччыйыахтаах.

Флот иһинэн ПВО саҥа дивизиятын оҥоруохтара, чаастара Новай Земля арыытыгар, ону таһынан Диксон уонна Тиксии бөһүөлэктэригэр баар буолуохтара.

Хотугу флоту 2014 сыл ахсынньы 1 күнүгэр Арҕааҥҥы байыаннай уокурук састаабыттан таһаарбыттара. Ол базатыгар Арктикаҕа Холбоһуктаах стратегическай командование тэриллибитэ. Билигин бу РФ сэбилэниилээх күүстэрин холбоһуга. Хотугу флот Арктикаҕа уонна аан дойду океанын оройуоннарыгар Россия национальнай интэриэһин көмүскүүр.  Хотугу флот уу аннынан сылдьар суудуналаах уонна “Пётр Великий” диэн атомнай ракеталаах крейсердээх.

Бу сыл саҥата РФ оборона министиэристибэтэ Арктикаҕа бүтэһик сылларга 20-чэ аэродром саҥардылынна диэн иһитиннэрбитэ.

Биэдэмистибэ дааннайдарынан, Арктикаҕа 2014 сылтан байыаннай тутааччылар барыта 710 тыһыынча кв миэтэрэ иэннээх 545 тутууну үлэҕэ киллэрбиттэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 − четырнадцать =

ЛЕНТА НОВОСТЕЙ