Трассаларга ыраах айанныыр суоппар сынньанар былаһааккатын ситимэ тэриллиэ

Комментарии Общество и политика

Поделиться:

НВК САХА – Россияҕа 2024 сылга диэри ыраах айанныыр улахан уйуктаах массыыналар суоппардарыгар анаан сынньалаҥ былаһааккаларын ситимин тэрийиэхтэрэ. Росавтодор бу туһунан “Известияҕа” иһитиннэрдэ.

Федеральнай трассаларга баар 1,8 тыһыынча былаһаакканы саҥардыахтара, остуолларынан, ыскамыайкаларынан, сылаас туалетынан, уотунан-күөһүнэн хааччыйыахтара. Билигин итинник миэстэ тиийбэт буолан, суоппар үлэтин, сынньалаҥын эрэсиимин ирдэбилэ тутуһуллубат.

Экиспиэртэр суоттуулларынан, суол кытыытынааҕы сиэрбис саҥа эбийиэктэрин оҥорорго 1,5 миллиард солкуобайга диэри үп ирдэнэр. Үлэ бастакы түһүмэҕэр баар былаһааккалары саҥардан, ирдэбилгэ эппиэттиир гына оҥоруохтара. Ол кэнниттэн 100 саҥа эбийиэги тутуохтара. Маннык былаһааккаларынан туһаныы босхо буолуо.

Оттон сынньалаҥ итинник эбийиэктэрин икки арда 20-50 км буолуохтаах.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

15 + 11 =

ЛЕНТА НОВОСТЕЙ