«Цветик-семицветик» диэн саҥа уһуйааны 203 микрооройуоҥҥа арыйдылар

Комментарии Образование и здравоохранение

Поделиться:

НВК САХА – «Цветик-семицветик» диэн үс мэндиэмэннээх саҥа уһуйааны 203 микрооройуоҥҥа арыйдылар. Манна 315 оҕо сылдьыа.

Оҕо саада аныгы кэм ирдэбилигэр толору эппиэттиир: бассейнаах, музыкальнай, спортивнай саалалардаах, медицинскэй блок эмиэ баар. Маны таһынан, доруобуйаларынан хааччахтаах дьоҥҥо анаммыт анал лиип, пандус тутуллубут.

Олбуор иһигэр оҕо спордунан дьарыктанарыгар уонна оонньууругар анаммыт былаһаакка оҥоһуллубут. Уһуйаан 18 группаҕа арахсар. Манна дьааһыла, логопедическэй итиэннэ оскуола иннинээҕи бэлэмнэнии группалара киирсэллэр.

203 микрооройуоҥҥа аҕыйах хонуктааҕыта «Айыы кыһата» оскуола арыллыбыта. Кэлэр сылга өссө биир уһуйаан үлэҕэ киириэ.

Былаан быһыытынан, «Государство уонна чааһынайдар кыттыһан тутуулар» бырайыак иитинэн Дьокуускайга уонна кытыы нэһилиэктэргэ 3 000 кэриҥэ оҕо миэстэтэ тахсыахтаах.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × 4 =

ЛЕНТА НОВОСТЕЙ