Туймаада ыһыаҕар 100 тахса тэрилтэ ас-үөл атыылыыра көҥүллэннэ

Комментарии Экономика и сельское хозяйство

Поделиться:

НВК САХА – Туймаада ыһыаҕын кэмигэр “Үс Хатыҥ” түһүлгэтигэр ас-үөл атыытыгар сүүстэн тахса көҥүл ылбыт тэрилтэ үлэлиэҕэ. Бу туһунан Дьокуускай куорат дьаһалтатын пресс-сулууспата иһитиннэрэр.

Атыыланыахтаах ас, бородуукта хаачыстыбатын уонна куттала суох буоларын туһунан докумуоннар ирдэнэллэр. Атыы быраабылатынан итиэннэ бородууксуйа көрүҥүттэн тутулуктаах араас ыйаахтар бааллар. Бу быраабылаларынан хонтуруоллуур уорган үлэһиттэрэ бырааһынньык кэмигэр бэрэбиэркэ ыытыахтара.

Дьокуускай куорат дьаһалтатын атыы-эргиэн эйгэтигэр үлэлэһэр салаатын начаалынньыга Светлана Василенко “Үс Хатыҥҥа” көҥүлэ суох атыы бобуллар диэн бэлиэтээтэ.

Роспотребнадзор салаата, бэтэринээринэй сулууспа, куорат административнай хамыыһыйата, правоохранительнай тутул уонна комендантскай бөлөхтөр курдук кэтиир уорганнар архитектурнай-этнографическай комплекска бырааһынньык кэмигэр үлэлиэхтэрэ.

“Хас биирдии бөлөх дьон атарабыыс буолбатын туһугар көҥүлэ суох атыыны тохтотуохтара. Сокуону кэһээччигэ боротокуол оҥоһуллуоҕа, административнай буруйдааһын кытаанах миэрэтэ ылыллыаҕа. Маннык миэрэлэри бырааһынньык кэмигэр сыстыганнаах ыарыыны үөскэппэт уонна тарҕаппат инниттэн уонна маассабай атарабыыс суох буоларын туһугар ыытыахтара”, -диэн пресс-сулууспаҕа иһитиннэрдилэр.

-ом//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

20 − шестнадцать =

ЛЕНТА НОВОСТЕЙ