Тускул билгэтэ: Кыстык хаар алтынньы бүтэһигэр түһүөҕэ

Комментарии От редакции

Просмотров: 40

НВК САХА – Күнү-дьылы анаарааччы, норуот билгэһитэ Тускул алтынньы ыйга хайдах халлаан туруоҕун кэпсиир.

“Алтынньы -Хотой айыы ыйа. Бу ыйга олус элбэх Таҥаралардаахпыт. Алтынньы 14 күнүгэр -Бокуруоп Таҥарата, кыстыкка киирии. Урукку өттүгэр Бокуруопка дылы хаар түһэр этэ. Ол эрэн,  быйылгы дьылбыт хайдах эрэ сымнаһыар буолла. Билигин даҕаны киин улуустарбытыгар улахан хаар суох. Хоту луустарбытыгар Өлөөҥҥө, Тиксиигэ, Анаабырга, Бүлүү эҥэр, Алдаҥҥа олус элбэх хаар баар. Онон быйылгы кыстык сымнаһыар буолсу.

Киин улуустарга улахан тымныйыы суох. Бүлүү бөлөх улуустарыгар эмиэ тымныйан ылар, онтон  сылыйар. Хоту улуустарга саҥа тымныйан эрэр. Өлүөхүмэ, Мииринэй диэки олус эрдэ хаардаата.

Уопсайынан ылан көрдөххө, билигин даҕаны  республикабытыгар олус сылаас күн-дьыл  турар. Күнүскү температура +4,+5С. Онон билигин улахан хаар кэлэрэ чугас эркин көстүбэт. Былырыыҥҥы сылы батыстаҕына, алтынньы 20-тин кэнниттэн кыстык хаар кэлиэҕэ.”



Добавить комментарий

Ваш e-mail не будет опубликован. Обязательные поля помечены *

10 − 4 =